बज कट बन्यो भाइरल

एर्लिङ हालनको चर्चित लामो कपाल अब रहेन । म्यानचेस्टर सिटीका सुपरस्टार हालनले नयाँ प्रिमियर लिग सिजनका लागि नयाँ हेयरस्टाइल अपनाएका छन् । उनले लामो कपाल काटेर एकदमै छोटो ‘बज कट’ गराएका छन् । आइतबार बोर्नमाउथविरुद्ध टोलीको पहिलो खेल हुनुअघि उनको नयाँ हेयरकट सामाजिक सञ्जालमा भाइरल बनेको थियो ।

नर्वेका स्ट्राइकर हालन पछिल्ला केही वर्षयता लामो कपालका कारण खेलकुद जगतका सबैभन्दा सजिलै चिनिने खेलाडीमध्ये एक बनेका छन् । हालनको युट्युब च्यानलमा सार्वजनिक गरिएको एउटा भिडियोमा ज्लाटन इब्राहिमोभिचले उनको नयाँ हेयरस्टाइल देखेपछि हालनले ‘बाजी हारेको हो ?’ भनेर सोधेका थिए ।

इब्राहिमोभिचले ठट्टा गर्दै भने, ‘अब तिमी अझ छिटो दौडिने भयौ कि के हो ?’

म्यानचेस्टर सिटीका पूर्वप्रशिक्षक पेप ग्वार्डिओलाले पनि हालनको नयाँ हेयरकटबारे प्रतिक्रिया दिँदै भने, ‘कपाल भएकोमा तिमी भाग्यमानी छौ । मसँग पनि कपाल भएको भए कति राम्रो हुन्थ्यो !’

बोर्नमाउथविरुद्धको खेलका लागि हालन एतिहाड स्टेडियममा टोपी लगाएर पुगेका थिए । तर खेल सुरु हुनुअघि वार्मअपका क्रममा उनले टोपी खोलेपछि उनको नयाँ ‘बज कट’ सबैका लागि स्पष्ट भयो ।