यस्तो छ आज २०८३ असोज २८ गते बुधबारको राशिफल

मेष
कर्मक्षेत्रमा नयाँ अवसर प्राप्त हुनेछन् । आफ्ना योजनाहरू गोप्य राखेर अघि बढ्नु बुद्धिमानी हुनेछ । लगनशीलताले रोकिएका काम बन्नेछन् । आर्थिक लाभको सम्भावना छ । पारिवारिक वातावरण सुखद रहनेछ ।

वृष
स्वास्थ्यमा सामान्य उतारचढाव आउन सक्छ । खानपानमा विशेष सतर्कता अपनाउनुहोला । आर्थिक लेनदेन गर्दा सोचविचार पुर्याउनु बुद्धिमानी हुनेछ । आफन्तजनको सल्लाहले जटिल समस्या सुल्झाउन मद्दत पुग्नेछ ।

मिथुन
बौद्धिक क्षमताको कदर हुनेछ । व्यापार व्यवसायमा सन्तोषजनक प्रगति देखिन्छ । नयाँ योजना कार्यान्वयन गर्न समय अनुकूल छ । साथीभाइको सहयोगले मनमा उत्साह थपिनेछ । यात्रा फलदायी रहनेछ ।

कर्कट
प्रतिस्पर्धामा विजय प्राप्त हुनेछ । रोकिएका धन हात पर्ने सम्भावना देखिन्छ । कार्यक्षेत्रमा जिम्मेवारी बढ्न सक्छ । धैर्यतापूर्वक काम गर्दा सफलता मिल्नेछ । घरपरिवारमा मांगलिक कार्यको चर्चा चल्नेछ ।

सिंह
अध्ययन अध्यापनमा मन जानेछ । सन्तान पक्षबाट सुखद् समाचार सुन्न पाइनेछ । सिर्जनात्मक काममा सफलता हात लाग्नेछ । सामाजिक प्रतिष्ठा बढ्नेछ । आम्दानीका नयाँ बाटाहरू खुल्ने योग छ ।

कन्या
पारिवारिक विषयमा केही मतभेद देखिन सक्छ । संयम भएर निर्णय लिनु बुद्धिमानी हुनेछ । जग्गाजमिन वा सवारी साधनको कारोबार गर्दा ध्यान दिनुहोला । दिनको उत्तरार्ध तुलनात्मक रूपमा सहज बन्नेछ ।

तुला
साहस, पराक्रम बढ्नेछ । छोटो दूरीको फलदायी यात्रा हुन सक्छ । दाजुभाइ तथा सहयोगीहरूको राम्रो साथ पाइनेछ । उद्योग, व्यापारमा लगानी बढाउन सकिनेछ । सामाजिक कार्यमा प्रशंसा मिल्नेछ ।

वृश्चिक
बोलीको प्रभावले बिग्रेका काम सप्रिनेछन् । आर्थिक पक्ष मजबुत बन्दै जानेछ । कुटुम्बजनसँगको भेटघाटले मन प्रसन्न बनाउनेछ । सभा–सम्मेलनमा सहभागी हुने अवसर जुट्नेछ । आम्दानीमा वृद्धि हुनेछ ।

धनु
आफन्तजनको सहयोगले नयाँ कामको थालनी हुनेछ । आत्मविश्वास उच्च रहनेछ । समाजमा मान–सम्मान मिल्ने योग छ । व्यक्तिगत कामहरू सहजै बन्नेछन् । स्वादिष्ट भोजनको आनन्द प्राप्त हुनेछ ।

मकर
बजेटभन्दा बाहिर गएर खर्च हुन सक्छ । आर्थिक व्यवस्थापनमा ध्यान दिनुहोला । वैदेशिक कामहरूमा प्रगति हुनेछ । कानुनी झमेलाबाट टाढै रहनु हितकर हुनेछ । साँझपख मनमा शान्ति मिल्नेछ ।

कुम्भ
लामो समयदेखि रोकिएको काम सम्पन्न हुनेछ । आयआर्जनका नयाँ स्रोतहरू फेला पर्नेछन् । अग्रजहरूको मार्गदर्शनले सही निर्णय लिन मद्दत गर्नेछ । मित्रजनको साथले उत्साह थपिनेछ ।

मीन
कार्यक्षेत्रमा उच्चपदस्थ व्यक्तिहरूको सहयोग प्राप्त हुनेछ । पदोन्नति वा नयाँ जिम्मेवारी पाउने सम्भावना छ । समाजसेवामा रुचि बढ्नेछ । दिन फलदायी रहनेछ । गरेका प्रयासहरू सफल हुनेछन् ।