हुवावेको वाच जीटी ६ सिरिज सार्वजनिक

काटमाठौं । हुवावेले नेपालमा आफ्नो जीटी ६ सिरिज वाच औपचारिक रुपमा सार्वजनिक गरेको छ । जसमा हुवावे वाच जीटी ६ र हुवावे वाच जीटी ६प्रो मोडेलहरू समावेस छन् ।

नेपाली स्मार्टवाच बजारमा हुवावेको यो घडी टिकाउपन, डिस्प्ले स्पष्टता र ब्याट्रीले महत्वपूर्ण मानक स्थापित गरेको कम्पनीको दाबी छ । हुवावे वाच जीटी ६, ४६ एमएम र ४१एमएम साइजमा उपलब्ध छ । जसमा ३,००० निट्ससम्मको बाइटनेससहितको एमोलेड डिस्प्ले र परिष्कृट स्टेनलेस–स्टील डिजाइन रहेको छ । यो वाचको ब्याट्री १४ देखि २१ दिनसम्म चल्ने कम्पनीको दाबी छ । हुवावे वाच जीटी ६ प्रो खरिद गर्दा उपहारस्वरुप हुवावे बड्स एसई२ प्रदान गरिने कम्पनीले जनाएको छ ।

दुवै मोडेलमा १०० भन्दा बढी वर्कआउट मोडहरू, मल्टी जीएनएसएस पोजिसनिङ र एन्ड्रोइड तथा आइओएससँग अनुकूल हुवावे हेल्थ एममार्फत सहज कनेक्टिभिटी जस्ता सुविधाहरू समावेस रहेको कम्पनीले जनाएको छ । दुवै घडीहरू इफिक्स नेपाल, दराज तथा देशभरका खुद्रा स्टोरमा उपलब्ध रहेको हुवावेले जनाएको छ ।