कलाकारसँगको फुटसलमा महासंघ विजयी

काठमाडौं (संवाददाता)– नेपाल उद्योग वाणिज्य महासंघको खेलकुद तथा मनोरन्जन फोरमको संयोजनमा महासंघ र राष्ट्रिय कलाकारहरु बीचको मैत्रीपूर्ण पÞmुटसल प्रतियोगिता सम्पन्न भएको छ । बालुवाटारस्थित ढुकु पÞmुटसल मैदानमा आयोजना गरिएको खेलमा महासंघको टोलीले कलाकार टोलीलाई ४ का विरुद्ध सात गोल गरेको थियो । 

खेलको समुदघाटन महासंघका अध्यक्ष चन्द्रप्रसाद ढकालले रिबन काटेर गरेका थिए । महासंघ कार्यसमिति पधाधिकारी र कलाकारबिच १० मिनेटको मैत्रीपूर्ण खेलपश्चात प्रतियोगिता शुरु भएको थियो । खेलको पहिलो सत्रमा महासंघले कलाकार टोलीलाई ३–० अन्तरको दवावमा राखे पनि दोश्रो सत्रमा कलाकारका तर्फबाट ३–३ को बराबरीपछि खेल रोमान्चक बनेको थियो । महासंघको टोलीले थप ४ र कलाकार टोलीले थप १ गोल गरेपछि एक घण्टाको सो मैत्रीपूर्ण खेल ७–४ अंकमा सकिएको थियो । 

महासंघ अध्यक्ष ढकालले खेल केवल प्रतिष्पर्धाका लागि मात्र नभई आपसी मित्रता र सहकार्यको राम्रो अवसर भएको बताए । शुरुको मैत्रीपूर्ण खेल भने गोलरहित भएको थियो । खेलमा महासंघका तर्फबाट अध्यक्ष ढकाल, उपाध्यक्षद्वय हेमराज ढकाल, ज्योत्सना श्रेष्ठ, कोषाध्यक्ष भरतराज आचार्य तथा कलाकारहरुको टोलीमा शिव श्रेष्ठ, धिरेन शाक्य, रबिन्द्र खड्का, मोहन निरौला, लगायतको सहभागिता थियो । 

उद्योगी व्यवसायी र कलाकार बीचको मित्रता तथा सद्भावलाई थप प्रभावकारी बनाउन मैत्रीपूर्ण प्रतियोगिता आयोजना गरिएको र नेपालमा वरिष्ठ कलाकारहरुको सहभागिताले खेल रोमाञ्चक बनेको कार्यक्रम संयोजक महासंघका खेलकुद तथा मनोरन्जन फोरमका अध्यक्ष हरिबहादुर कार्कीले बताए । सहभागी खेलाडीलाई महासंघका अध्यक्ष ढकालले मायाँको चिनो प्रदान गरे ।