यस्तो छ आज २०८२ चैत ३ गते मंगलबारको राशिफल

 मेष (चु, चे, चो, ला, लि, लु, ले, लो, अ) 
आजको दिन पराक्रम बढ्नेछ । रोकिएका अधुरा कामहरू साथीभाइको सहयोगमा सम्पादन हुनेछन् । नयाँ उद्योग वा व्यवसाय सुरु गर्ने सोचमा हुनुहुन्छ भने समय राम्रो छ । स्वास्थ्यमा सुधार आउनेछ ।

 वृष (इ, उ, ए, ओ, वा, वि, वु, वे, वो) 
आर्थिक कारोबारमा सफलता मिल्नेछ । धनार्जनका नयाँ स्रोतहरू फेला पर्न सक्छन् । बोलीको प्रभाव बढ्ने भएकाले सामाजिक काममा तपाईंको नेतृत्वको प्रशंसा हुनेछ । पारिवारिक सुख मिल्नेछ ।

 मिथुन (का, कि, कु, घ, ङ, छ, के, को, हा) 
आजको दिन उत्साहजनक रहनेछ । नयाँ कार्यको थालनी हुनेछ । रमाइलो यात्राको योग छ र नयाँ मित्रहरूसँग भेटघाट हुनेछ । आत्मविश्वास बढ्नाले जटिल काम पनि सजिलै सम्पन्न हुनेछन् ।

 कर्कट (हि, हु, हे, हो, डा, डि, डु, डे, डो) 
खर्च बढ्ने र काममा केही अवरोध आउने देखिन्छ । अनावश्यक यात्रा र विवादबाट टाढै रहनु राम्रो हुनेछ । खानपान र स्वास्थ्यमा विशेष ध्यान दिनुहोला । संयमताले आजको दिन सहज बनाउन सकिनेछ ।

 सिंह (मा, मि, मु, मे, मो, टा, टि, टु, टे) 
आम्दानीका क्षेत्रहरू विस्तार हुनेछन् । दाजुभाइ वा छोराछोरीबाट सुखद समाचार सुन्न पाइनेछ । रोकिएको धन प्राप्त हुनेछ । कर्मक्षेत्रमा गरिएको लगानीले राम्रो प्रतिफल दिनेछ ।

 कन्या (पा, पि, पु, ष, ण, ठ, पे, पो) 
कार्यक्षेत्रमा तपाईंको कामको उच्च मूल्यांकन हुनेछ । नोकरीमा पदोन्नति वा जिम्मेवारी थपिने सम्भावना छ । समाजसेवामा रुचि बढ्नेछ र प्रतिष्ठित व्यक्तिहरूसँगको सम्बन्ध प्रगाढ हुनेछ ।

 तुला (रा, रि, रु, रे, रो, ता, ति, तु, ते) 
भाग्यले साथ दिनेछ । धार्मिक र सांस्कृतिक कार्यमा सहभागिता बढ्नेछ । टाढाको यात्रा वा विदेश भ्रमणको योजना बन्न सक्छ । अधुरा रहेका कामहरू आज सफलतापूर्वक सम्पन्न हुनेछन् ।

 वृश्चिक (तो, ना, नि, नु, ने, नो, या, यि, यु) 
आज स्वास्थ्यमा केही मन्दी आउन सक्छ । कार्यमा ढिलासुस्ती र मानसिक तनाव महसुस हुनेछ । जोखिमपूर्ण काममा लगानी नगर्नुहोला । गोप्य कुराहरू बाहिर आउन सक्ने भएकाले सचेत रहनुहोस् ।

 धनु (ये, यो, भा, भि, भु, धा, फा, ढा, भे) 
दाम्पत्य जीवन सुखमय रहनेछ । व्यापार व्यवसायमा सोचेभन्दा बढी लाभ हुनेछ । छोटो दूरीको लाभदायक यात्रा हुने देखिन्छ । भौतिक साधनको उपभोग गर्ने अवसर प्राप्त हुनेछ ।

 मकर (भो, जा, जि, जु, जे, जो, ख, खि, खु, खे, खो, नब, नष्) 
शत्रु र प्रतिद्वन्द्वीहरू पराजित हुनेछन् । स्वास्थ्यमा स्फूर्ति बढ्नेछ र पुराना रोगबाट मुक्ति मिल्नेछ । मामाघर वा मावली पक्षबाट सहयोग मिल्नेछ । प्रतिस्पर्धात्मक परीक्षामा सफलता हात लाग्नेछ ।

 कुम्भ (गु, गे, गो, सा, सि, कग, कभ, कय, मब) 
बौद्धिक र रचनात्मक काममा सफलता मिल्नेछ । विद्यार्थी वर्गका लागि अध्ययनमा प्रगति हुनेछ । प्रेम सम्बन्धमा निकटता बढ्नेछ । आकस्मिक धन लाभ वा उपहार प्राप्त हुने सम्भावना छ ।

 मीन (दि, दु, थ, झ, ञ, दे, दो, चा, चि) 
आज मनमा केही चिन्ता र घरायसी समस्याले सताउन सक्छ । जग्गाजमिन वा सवारी साधनको कारोबार गर्दा सावधानी अपनाउनुहोला । आमाको स्वास्थ्यमा ध्यान दिनुहोस् । धैर्यता राख्नु उचित हुनेछ ।