लाओस पुग्यो फुटबल टोली

काठमाडौँ  । अखिल नेपाल फुटबल संघ (एन्फा) ले एएफसी एसियन कप छनोटअन्तर्गतको अन्तिम खेल खेल्ने टोलीलाई लाओस पठाएको छ ।
नेपालले अन्तिम खेल ३१ मार्चमा लाओसविरुद्ध खेल्दैछ ।
यो खेल नेपालको घरेलु मैदानमा त्रिपुरेश्वरस्थित दशरथ रंगशालामा हुने तय थियो तर उक्त खेल लाओस नै सारिएको हो । यसअघि त्रिपुरेश्वरस्थित दशरथ रंगशालामा २६ मार्चमा हङकङविरुद्ध हुने तय भएको मैत्रीपूर्ण खेल पनि रद्द भएको थियो ।
एन्फाले लाओसविरुद्व खेल्न शनिबार टोली थाइल्यान्डको बैंकक हुँदै पठाएको छ तर अन्तिम टोलीको नामावली नै सार्वजनिक नगरी टोलीलाई त्यसतर्फ पठाएको हो । एन्फाले यसपल्ट टोलीलाई बिदाइसम्म गरेन ।
छनोटको समूह एफमा रहेको नेपाल र लाओसको समान ३ अंक छ । दुवै टोली छनोटबाट बाहिरिइसकेका छन् ।