तिवारीविरुद्ध साढे १० करोडको मुद्दा

काठमाडौं । काठमाडौँ उपत्यका विकास प्राधिकरणका पूर्व आयुक्त भाइकाजी तिवारीविरुद्ध १० करोड ५४ लाख ९५ हजार रुपैयाँको भ्रष्टाचार मुद्दा दायर भएको छ । अख्तियार दुरुपयोग अनुसन्धान आयोगका अनुसार तिवारीले सार्वजनिकमा रहँदा २०४४ देखि २०७८ वैशाख ९ सम्मको अवधिलाई जाँच गर्दा वैधानिक आयभन्दा बढी सम्पति आर्जन गरी भ्रष्टाचार गरेको  देखिएकाले बिहीबार विशेष अदालतमा मुद्दा दायर गरिएको हो । मुद्दामा आयोगले तिवारीकी श्रीमती मिनादेवी र छोरी मीरालाई पनि प्रतिवादी बनाएको छ ।