रेडमी बड्स एट एक्टिभ नेपालमा

काठमाडौं । अग्रणी प्रविधि कम्पनी शाओमीले नेपाली बजारमा आफ्नो नयाँ रेडमी बड्स ८ एक्टिभ सार्वजनिक गरेको छ, जुन दैनिक प्रयोगका लागि आरामदायी, सानो र हल्का डिजाइनको रहेको छ । 
रेडमी बड्स ८ एक्टिभमा कानको प्राकृतिक बनावटसँग मिल्ने इन–इयर कर्भ डिजाइन प्रयोग गरिएको छ, जसले लामो समय प्रयोग गर्दा पनि दबाब कम हुने भएकाले असहज हुँदैन । यसको हल्का बनावटले गर्दा दैनिक प्रयोगमा सजिलो, सुरक्षित र समाउन÷बोक्न पनि सजिलो छ । 
यी बड्सले एकपटक चार्ज गर्दा बढीमा ७ घण्टा र चार्जिङ केससहित ३७ घण्टासम्म प्रयोग गर्न सकिन्छ । १० मिनेटको छिटो चार्जले करिब २ घण्टा प्रयोग गर्न मिल्ने ब्याट्री दिन्छ । सुधारिएको ब्याट्री क्षमताका कारण बारम्बार चार्ज गर्नुपर्ने आवश्यकता पनि हुँदैन ।
राम्रो साउण्डका लागि बनाइएका यी इयरबड्समा ठूलो टाइटानियमयुक्त ड्राइभर राखिएको छ । यो टाइटानियम कोटिङ भएको डायाफ्रामले मध्यम र उच्च फ्रिक्वेन्सीमा स्पष्ट र राम्रो साउण्ड दिन्छ । एएसी कोडेकले अडियो डेटा कम्प्रेस गर्दा पनि आवाजको विवरण जोगाएर राख्छ र गुणस्तर घट्न दिँदैन । त्यसैले तपाईंले स्पष्ट, विस्तृत र गहिरो (इमर्सिभ) ध्वनि पाउनेछन् ।
प्रयोगकर्ताले डुअल माइक्रोफोन र एआई एल्गोरिदमको सहयोगले अझ स्पष्ट आवाज सुन्न र बोल्न सक्नेछन् । यसको प्रयोगले वरपरको आवाजलाई कम गरी कललाई स्पष्ट बनाउँछ । साथै, हावाको आवाज कम गर्ने प्रविधिले ६ मिटरप्रति सेकेन्डसम्मको हावाको चापमा पनि राम्रो प्रदर्शन गर्छ । 
गुगल फास्ट पियरको सहयोगले छिटो र सहजरूपमा कनेक्ट गर्न सकिन्छ । साथै, दुईवटा डिभाइससँग एकैचोटी कनेक्ट हुने सुविधा भएकाले सजिलै स्विच गर्न मिल्छ । यी बड्स पानीका छिटा र धुलोबाट सुरक्षित छन् । त्यसैले यात्रा, दैनिक आवागमन वा व्यायाम गर्ने समयमा पनि प्रयोग गर्न उपयुक्त छन् । रेडमी बड्स ८ एक्टिभ कालो र सेतो दुई रंगमा उपलब्ध छ । यसको मूल्य ४ हजार ४९९ रुपैयाँ रहेको कम्पनीले जनाएको छ ।