अधिकतम मूल्यसूचीसहितको स्टिकर टाँस्ने सम्बन्धमा छलफल

काठमाडौं । नाडाको एक प्रतिनिधि मण्डलले भन्सार विभागका महानिर्देशक श्यामप्रसाद भण्डारीसँग अटोमोवाइल वस्तुहरूमा अधिकतम मूल्यसूचीसहितको स्टिकर टाँस्ने सम्बन्धमा विस्तृत छलफल गरेको छ ।  

छलफलका क्रममा नाडा प्रतिनिधिले वाणिज्य, आपूर्ति तथा उपभोक्ता संरक्षण विभागले ल्याएको सो व्यवस्था कार्यान्वयनमा ल्याउन विगतको समयदेखि नाडाले विभागलाई अनुरोध गर्दै आएको सन्दर्भमा चारपाँगे्र तथा दुई पाँगे्र सवारी साधनहरूका लागि कुनै समस्या नभए पनि एउटै बक्सभित्र सयौंको संख्यामा आउने अटोमोवाइल स्पेयर पार्टसहरूको हकमा भने समस्या रहेको बताए । त्यसैगरी भन्सारमा वण्डेड वेयरहाउस समेतको व्यवस्था नभएको अवस्थामा भन्सार यार्डभित्रै अधिकतम मूल्यसूचीसहितको स्टिकर टाँस्नुपर्ने व्यवस्था व्यावहारिक नभएको बताए ।
छलफलमा महानिर्देशक भण्डारीले सबै किसिमका अटोमोबाइल वस्तुहरूमा अधिकतम मूल्यसूचीसहितको स्टिकर टाँस्ने व्यवस्थालाई व्यावहारिक रूपमा कार्यान्वयनमा ल्याउन चुनौती रहेको बताए । विभागले व्यापारमा सहजीकरण र राजस्व वृद्धिमा ध्यान दिँदै आएको उनले जानकारी दिए ।