ओमानलाई ८ विकेटले हराउँदै नेपाल एसियन गेम्स छनोटको फाइनलमा

काठमाडौं । ओमानलाई ८ विकेटले पराजित गर्दै नेपाल एसियन गेम्स छनोटको फाइनलमा प्रवेश गरेकाे छ। सिङ्गापुरको सिंगा ओभलमा टस जितेर ब्याटिङ गरेको ओमान १९.४ ओभरमा ९४ रन बनाउँदै अल आउट भएको थियो।

ओमानले दिएको ९५ रनको सामान्य लक्ष्य पछाएको नेपालले ९.२ ओभरमा दुई विकेट गुमाउँदै लक्ष्य पूरा गर्दै फाइनल प्रवेश गरेकाे हो । नेपालका लागि लोकेश बमले सर्वाधिक ४४ रन बनाए । उनले २६ बलमा ७ चौका र १ छक्का प्रहार गरे ।

कुशल भुर्तेल २० रनमा कट एन्ड बोल्ड हुँदा दोस्रो ओभरको पाँचौं बलमा आसिफ शेख १ रनमा क्याच आउट भएका हुन् । त्यसपछि लोकेश र रोहितले पारी सम्हालेका थिए।

रोहित पौडेलले २० बलमा २ चौका सहित २१ रन बनाउँदै अविजित रहे । ओमानको लागि दुवै विकेट समिर ओथमानले लिए।

त्यसअघि, ब्याटिङ गरेको ओमानका लागिकप्तान सुफ्यान महमुदले सर्वाधिक ३८ रन बनाए । एक तर्फबाट विकेट गइरहँदा उनले भने ओमानको पारी सम्हाल्ने कोसिस गरेका थिए उनले ४२ बलमा समान दुई चौका र दुई छक्का प्रहार गरे। उनले सातौं विकेटका लागि अब्दुलजलील खानसँग ३० रनको साझेदारी गरे। जुबेर अलि अख्तरले २२ रन बनाए। उनले चौथो विकेटका लागि कप्तान सुफ्यान महमुददँग ३५ रनको साझेदारी गरेका थिए।

शीर्ष ३ का ब्याटर सस्तैमा पेभेलियन फर्किए। ओपनर मोहम्मद अलि अकबर ९ रनमा पेभिलियन फर्किदा अर्का ओपनर शुयब इस्मेल र वान डाउन आएका नावेद अब्दुल माजिद करण केसीको बलमा ‘डक' हुँदै डगआउट फर्किए।अब्दुलजलील खानले १६ रन बनाए । अन्य कुनै पनि ब्याटरले दोहोरो अङ्कमा रन बनाउन सकेनन्।

नेपालको लागि बलिङतर्फ करण केसीले सर्वाधिक ३ विकेट लिए। सन्दीप लामिछाने र सोमपाल कामीले २-२ विकेट लिए ।कुशल मल्ल, दिपेन्द्र सिंह ऐरी र साहब आलमले १-१ विकेट लिएका थिए। नेपालले मलेसिया र हङकङ बीचको दोस्रो सेमिफाइनल खेलको विजेतासँग फाइनल खेल्नेछ।