एनसेलका ग्राहकलाई अल्टिमा ग्याजेटमा ६० प्रतिशत छुट

काठमाडौं । एनसेलका सबै ग्राहकले अब अल्टिमा लाइफस्टाइलका विभिन्न सामग्रीको खरिदमा ६० प्रतिशतसम्म छुट प्राप्त गर्ने भएका छन् । एनसेल र अल्टिमा लाइफस्टाइलबीच भएको साझेदारीसँगै एनसेल ग्राहकले अल्टिमाका विभिन्न ग्याजेटमा छुट प्राप्त गर्ने भएका हुन् ।
यो अफरका लागि एनसेलका चिफ कन्जुमर बिजनेस अफिसर उपांग दत्ता र अल्टिमा लाइफस्टाइलका प्रमुख कार्यकारी अधिकृत अमित अग्रवालले सम्झौतामा हस्ताक्षर गरेका छन् ।
रु ९९ वा सोभन्दा माथिको सक्रिय डेटा, भ्वाइस वा कम्बो प्याक उपभोग गरिरहेका एनसेलका प्रिपेड ग्राहक र रेन्टल प्लान सक्रिय रहेका पोस्टपेड ग्राहक यो छुट योजनाका लागि योग्य हुन्छन् । यस योजनाअन्तर्गत खरिद गरिने कुनै पनि सामानको डेलिभरी नेपालभर हुने व्यवस्था अल्टिमा लाइफस्टाइले गरेको छ ।
एनसेल एपबाट मात्र सञ्चालनमा ल्याइएको यो योजनाअन्तर्गत एनसेल ग्राहकले अल्टिमाको लाइफस्टाइलका साउन्ड बार, स्पिकर, वायरलेस एअर बड, स्मार्टवाच, पावर बैंकलगायतका ग्याजेटमा विशेष छुट प्राप्त गर्न सक्छन् ।
यो योजनाको लाभ उठाउन ग्राहकले आफ्नो मोबाइलमा रहेको एनसेल एप खोलेर पार्टनर्ड सर्भिसेसमा गई अल्टिमा लाइफस्टाइल छान्नुपर्छ । प्रयोगकर्ताको नाममा दर्ता भएको मोबाइल नम्बरमार्फत स्वतः योग्यता जाँच हुन्छ र ग्राहकले छुटसहितको तिर्नुपर्ने मूल्य एनसेल एपमै देखिन्छ ।
‘हामी हाम्रा ग्राहकलाई अल्टिमा ग्याजेटहरूमा ६० प्रतिशतसम्म छुट प्रदान गर्ने योजना सञ्चालनमा ल्याउन पाएकोमा उत्साहित छौँ,’ एनसेलका चिफ कन्ज्युमर बिजनेस अफिसर दत्ताले भने, ‘अल्टिमा लाइफस्टाइलसँगको यो सहकार्यले हाम्रा ग्राहकको डिजिटल जीवनशैलीलाई अझ समृद्ध बनाउन मद्दत गर्छ ।’
यो योजनाको लाभ उठाउन योग्य नभएका ग्राहकले रु ९९ वा सोभन्दा माथिको कुनै पनि प्याक खरिद गर्न सक्छन् र आफ्नो आवश्यकताअनुरुपका ग्याजेट विशेष छुटमा लिन सक्छन् । योजनाका लागि योग्य रहेको प्याक वा रेन्टल प्लान सक्रिय रहेको अवधिभर यो छुटलाई ग्राहकले पटक–पटक उपयोग गर्न सक्ने कम्पनीले जनाएको छ ।