कुमारी बैंक र बी एण्ड बी अस्पतालबीच सम्झौता

काठमाडौं । कुमारी बैंक र बी एण्ड बी अस्पताल प्रालि, ग्वार्को–ललितपुरबीच कुमारी बैंकका ग्राहकलाई अस्पतालबाट प्रदान गरिने स्वास्थ्य सेवामा विशेष छुट प्रदान गर्ने सम्झौता भएको छ । सम्झौताअनुसार अस्पतालबाट प्रदान गरिने सेवाहरु इन प्यासेन्ट, आउट प्यासेन्ट, आकस्मिक सेवा सुविधा तथा औषधिमा ग्राहकलाई १० प्रतिशसम्मको विशेष छुट प्रदान गरिनेछ ।
विगत २५ वर्षदेखि बैंकिङ सेवा दिँदै आएको कुमारी बैंकले देशभरका २८६ शाखा सञ्जाल, ३०४ एटिएम, ४१ एक्सटेन्सन काउन्टर तथा ४८ शाखारहित बैंकिङ इकाइमार्फत ग्राहकलाई सुरक्षित, भरपर्दो र उच्चस्तरीय सेवा सुविधा उपलब्ध गराउँदै आएको छ ।