विश्वकप प्रदर्शनलाई अनुमति अनिवार्य

काठमाडौं । फिफा विश्वकप फुटबल–२०२६ का खेल काठमाडौं जिल्लाभित्र सामूहिक रूपमा प्रत्यक्ष प्रसारण गर्न चाहने कुनै पनि संघसंस्था वा कम्पनीले जिल्ला प्रशासन कार्यालय काठमाडौंबाट अनुमति लिनुपर्ने भएको छ । सहायक प्रमुख जिल्ला अधिकारी मुक्तिराम रिजाद्वारा जारी सूचनामा शान्तिसुरक्षा खलल हुनसक्ने भएकाले अनुमति नलिइ खेल प्रदर्शनी गर्न रोक लगाइएको उल्लेख छ । पूर्वस्वीकृति नलिइ रातको समयमा ठूलो पर्दामा खेल देखाउने बहानामा भीड जम्मा गरी समुदायमा असर पर्ने एवं शान्तिसुरक्षा खलबल्याउने गतिविधि नगर्न÷नगराउन सबैलाई अनुरोध गरिएको छ । खेलको प्रत्यक्ष प्रसारण गर्न स्वीकृतिका लागि निर्धारित निवेदनको ढाँचा कार्यालयको वेबसाइटमा उपलब्ध छ ।