खेलकुद

विश्वकपः इक्वेडरविरुद्ध आइभोरी कोस्टको ऐतिहासिक जित

न्यूज २४ दैनिक

सोमबार, असार १, २०८३ ०८:४२

विश्वकपः इक्वेडरविरुद्ध आइभोरी कोस्टको ऐतिहासिक जित

काठमाडौँ । वैकल्पिक खेलाडीका रूपमा मैदान छिरेका म्यानचेस्टर युनाइटेडका अमद डियालोले खेलको अन्तिम मिनेटमा निर्णायक गोल गरेपछि आइभोरी कोस्टले फिफा विश्वकपमा इक्वेडरमाथि रोमाञ्चक जित हात पारेको छ । समूह ‘ई’ को खेलमा आइभोरी कोस्टले बलियो प्रतिद्वन्द्वी इक्वेडरलाई पराजित गर्दै विश्वकपमा सुखद सुरुवात गरेको हो ।

यो हारसँगै इक्वेडरको विगत १९ खेलदेखिको अपराजित यात्रामा समेत पूर्णविराम लागेको छ । १२ वर्षपछि पहिलो पटक विश्वकप फुटबल खेलिरहेको अफ्रिकन राष्ट्र आइभोरी कोस्टका लागि यो जित ऐतिहासिक बनेको छ ।

खेलको ९० औँ मिनेटमा अमदले गोल गर्दै टोलीलाई जित दिलाएका हुन् । विश्वकपको इतिहासमा सन् २००६ यता वैकल्पिक खेलाडीको रूपमा मैदान प्रवेश गरेर खेलको यति ढिलो समयमा विजयी गोल गर्ने अमद पहिलो खेलाडी बनेका छन् ।

प्रकाशित मिति: सोमबार, असार १, २०८३ ०८:४२

प्रतिक्रिया दिनुहोस्