विश्वकपमा सबैभन्दा बढी गोल कुन देश र खेलाडीको ?

जर्मनीका पूर्वस्ट्राइकर मिरोस्लाभ क्लोज र अर्जेन्टिनाका लियोनेल मेसीको नाममा अहिले विश्वकप इतिहासमै सबैभन्दा बढी गोल गरेको संयुक्त कीर्तिमान छ ।
क्लोजले आफ्ना २४ विश्वकप खेलमा १६ गोल गर्दै एक गोलको अग्रतासहित यो कीर्तिमान कायम राखेका थिए ।
ब्राजिलका पूर्वअग्रपंक्तिका खेलाडी रोनाल्डो १९ खेलबाट १५ गोल गर्दै तेस्रो स्थानमा छन् ।
फ्रान्सका किलियन एम्बाप्पे अहिले मिखाएल मुलरसँगै संयुक्त रूपमा चौथो स्थानमा आइपुगेका छन् । पश्चिम जर्मनीको प्रतिनिधित्व गरेका मुलरले मात्र १३ खेलमा १४ विश्वकप गोल गरेका थिए । एम्बाप्पेको पनि अहिले १४ गोल पुगेको छ ।
फ्रान्सका पूर्वस्ट्राइकर जुस्ट फन्टेन छैटौँ स्थानमा छन् भने ब्राजिललाई तीन पटक विश्वकप दिलाएका पेले १२ गोलसहित सातौँ स्थानमा छन् ।
सूचीको आठौँ र नवौँ स्थानमा हंगेरीका स्यान्डोर कोक्सिस र पश्चिम जर्मनी तथा जर्मनीका युर्गेन क्लिन्सम्यान छन्, जसको नाममा ११–११ गोल छ ।
यो गर्मीयाममा क्लोजलाई पछि पार्ने वास्तविक सम्भावना भएका खेलाडी मेसी र एम्बाप्पे मात्र हुन् । यो जोडी सन् २०२२ को कतार विश्वकपमा क्रमशः सात र आठ गोल गर्दै शीर्ष दुई गोलकर्ता बनेका थिए ।
देशगत रूपमा गोलको कुरा गर्दा, २०२६ को प्रतियोगिताको आफ्नो पहिलो खेलमा क्युरासाओमाथि जित निकाल्दै जर्मनीले ब्राजिलको कीर्तिमानलाई एक गोलले पछि पारेको छ ।
अहिले जर्मनी २३९ विश्वकप गोलसहित शीर्ष स्थानमा छ भने ब्राजिल २३८ गोलसहित दोस्रो स्थानमा छ ।
तेस्रो स्थानमा रहेको आफ्नो परम्परागत प्रतिद्वन्द्वी अर्जेन्टिनाभन्दा ब्राजिल ८६ गोलले अगाडि छ । अर्जेन्टिनाले प्रतियोगितामा १५२ पटक जाली चुमाएको छ ।
१०० भन्दा बढी गोल गर्ने अन्य देशहरूमा फ्रान्स (१३६), इटाली (१२८), स्पेन (१०८) र इङ्गल्याण्ड (१०४) मात्र हुन् ।
नेदरल्याण्ड्स (९८), उरुग्वे (८९) र हंगेरी (८७) गोलसहित विश्वकपमा सर्वाधिक गोल गर्ने शीर्ष १० देशको सूचीमा पर्छन् ।