वन्डर्स इनर्जीको दोस्रो साधारणसभा सम्पन्न

काठमाडौं । वन्डर्स इनर्जी प्रालिको दोस्रो वार्षिक साधारणसभा सम्पन्न भएको छ । ९ मेगावाटको खिम्ती–ध्वाङ साना जलविद्युत् आयोजनाको प्रवद्र्धक वन्डर्स इनर्जीको साधारणसभा सम्पन्न भएको हो । साधारणसभाले कम्पनीको पुँजी वृद्धि, आयोजना निर्माणको प्रगति तथा वित्तीय व्यवस्थापनसम्बन्धी विभिन्न प्रस्तावहरू पारित गरेको छ । आयोजनाबाट २०८४ चैतभित्र विद्युत् उत्पादन गर्ने गरी तीव्र रूपमा काम अघि बढिरहेको कम्पनीका कार्यकारी सञ्चालक प्रकाश दुलालले बताए । उनका अनुसार आयोजनाका लागि आवश्यक सरकारी जग्गा प्राप्ति तथा रुख कटानको अनुमति गत वैशाख १५ गते बसेको मन्त्रिपरिषद् बैठकबाट स्वीकृत भइसकेको छ । यो स्वीकृतिले आयोजनाको निर्माण कार्यलाई थप सहज बनाएको उनले बताए । 
आयोजना निर्माण सम्पन्न गर्न १ अर्ब ९० करोड रुपैयाँ लागत अनुमान गरिएकोमा एक अर्ब २५ करोड रुपैयाँ ऋण लगानीका लागि एनएमबी बैंकसँगको समझदारी अन्तिम चरणमा पुगेको पनि दुलालले बताए । बाँकी ६५ करोड रुपैयाँ स्वपुँजीमध्ये ३५ करोड रुपैयाँ संकलन भइसकेको र बाँकी ३० करोड रुपैयाँ आगामी असोजभित्र जुटाउने गरी काम भइरहेको उनले जानकारी दिए । साधारणसभाले कम्पनीको चुक्ता पुँजी वृद्धि गरी १ अर्ब रुपैयाँ पु¥याउने निर्णय गरेको छ । निर्णयअनुसार ७० करोड रुपैयाँ स्वपुँजीबाट तथा ३० करोड रुपैयाँ प्रारम्भिक सार्वजनिक निष्कासन (आईपीओ) मार्फत जुटाइनेछ । त्यसैगरी, आयोजना निर्माणका लागि आवश्यक बैंक ऋण लिने तथा त्यससम्बन्धी सम्पूर्ण प्रक्रिया अघि बढाउन कम्पनीको सञ्चालक समितिलाई आवश्यक अख्तियारी प्रदान गर्ने प्रस्ताव पनि साधारणसभाले पारित गरेको छ ।