नेपाल श्रीलंकासँग पराजित

पुरुष सेन्ट्रल एसियन भलिबल एसोसिएसन (काभा) भलिबल च्याम्पियनसिपअन्तर्गत बिहीबार भएको खेलमा नेपाल श्रीलंकासँग पराजित भएको छ । प्रतियोगितामा नेपालको यो लगातार दोस्रो हार हो । यसअघि हिजो भएको पहिलो खेलमा नेपाल काजकिस्तानसँग ३–२ कै सेटमा पराजित भएको थियो । पकिस्तानको इस्लामावादस्थित लियाकत व्यायाम शालामा आज भएको उक्त प्रतियोगितामा श्रीलंकासँग नेपाल ३–२ को सेटमा पराजित भएको हो । 
श्रीलंकाले बिहीबार पहिलो सेटमा २५–१८ को जित निकालेको थियो । त्यसपछि खेलको लगातार दुई सेट नेपालले आफ्नो पक्षमा पा¥यो । नेपाले दोस्रो सेट २५–२१ अंक र तेस्रो सेट २५–१९ अंकले जित्यो । श्रीलंकाले चौथो सेट २५–२१ अंकले आफ्नो पक्षमा पा¥यो । अन्तिम सेट पनि श्रीलंकाले १५–११ ले हराउँदै जित हासिल ग¥यो । 
अब नेपालले आफ्नो तेस्रो खेलमा शुक्रबार आयोजक पाकिस्तानसँग खेल्नेछ । सिंगल राउन्ड रोविन लिगपछि शीर्ष चार टोली सेमिफाइनलमा प्रवेश गर्नेछन् । प्रतियोगितामा आयोजक पाकिस्तानसहित नेपाल, काजकस्तान, श्रीलंका, बंगलादेश र उज्वेकिस्तान छन् ।