प्रदेश
धादिङको परेवाटार–मास्टार सडकमा एकतर्फी यातायात सञ्चालन
शनिबार, भदौ २७, २०८३ ०७:५६
धादिङ । भोटेकोशी बाढीले फुर्केखोलाको पुल बगाएपछि धादिङबेसी पुग्ने वैकल्पिक मार्गका रूपमा प्रयोगमा ल्याइएको परेवाटार–मास्टार सडकमा आजदेखि समय निर्धारण गरी एकतर्फी सवारीसाधन सञ्चालनको प्रबन्ध भएको छ ।
सडक साँघुरो भएकाले दुवैतर्फबाट एकै समयमा सवारी सञ्चालन गर्दा आवागमन व्यवस्थापनमा कठिनाइ भएपछि जिल्ला प्रशासन कार्यालयले निश्चित समय तोकेर एकतर्फी यातायातका साधन सञ्चालनको व्यवस्था गरेको हो ।
प्रशासनका अनुसार बिहान ६ः०० बजेदेखि दिउँसो १२:०० बजेसम्म गल्छी–मास्टारबाट परेवाटार हुँदै धादिङबेंसीतर्फ आउने सवारीसाधन सञ्चालन हुनेछन् । धादिङबेंसीतर्फ आउने सवारीसाधनले दिउँसो १२ः०० बजेभित्र मास्टारको पुल पार गरिसक्नुपर्नेछ ।
यसैगरी, दिउँसो १ः०० देखि साँझ ७ः०० बजेसम्म धादिङबेंसीबाट परेवाटार हुँदै मास्टार–गल्छीतर्फ जाने सवारीसाधन सञ्चालन हुनेछन् । गल्छीतर्फ जाने सवारीले साँझ ७ः०० बजेभित्र परेवाटार पार गरिसक्नुपर्ने छ ।
तोकिएको समयअनुसार सवारी सञ्चालन भइरहेको समयमा धादिङबेंसीबाट सुनौलाबजार, फोस्रेटार र केउरिनी हुँदै गल्छीतर्फ आवतजावत गर्न सकिनेछ ।
प्रकाशित मिति: शनिबार, भदौ २७, २०८३ ०७:५६
प्रतिक्रिया दिनुहोस्
थप प्रदेश
जलविद्युत् आयोजनामा कार्यरतका आफन्त भन्छन् : ‘न सास भेट्यो न लास’
शनिबार, भदौ २७, २०८३
सडकविहीन बस्तीमा राहतको नयाँ सारथी ‘ड्रोन’
शनिबार, भदौ २७, २०८३
बाढीपीडितलाई इजरायली दूतावासको राहत सहयोग
शनिबार, भदौ २७, २०८३
भर्खरै
- एनभीएलको उपाधि अन्नपूर्णलाई
- सिबिफिनको कार्यवाहक अध्यक्षमा राजेश उपाध्याय
- मध्यपूर्वमा ‘अधिकतम संयम’ अपनाउन ‘ब्रिक्स’को आह्वान
- वरिष्ठ पत्रकार युवराज गौतमको निधन
- एसीसी प्रिमियर कपको उपाधि नेपाललाई, युएई ४४ रनले पराजित
- जलविद्युत् आयोजनामा कार्यरतका आफन्त भन्छन् : ‘न सास भेट्यो न लास’
- सडकविहीन बस्तीमा राहतको नयाँ सारथी ‘ड्रोन’
- बाढीपीडितलाई इजरायली दूतावासको राहत सहयोग
साताको लोकप्रिय
