खेलकुद

२०औँ एसियाली खेलकुदः टेबलटेनिसमा इभाना–रुवीनको जोडी विजयी

न्यूज २४ दैनिक

मंगलबार, असोज ६, २०८३ १९:१४

काठमाडौं । जापानमा जारी एसियाली खेलकुदको मिक्स्ड डबल्सको पहिलो चरणमा रुविन महर्जन र इभाना थापाको जोडी विजयी भएको छ ।

मंगलबार नागोयास्थित स्काइ हल टोयोटामा सम्पन्न खेलमा मुहम्मद खान र कलसुम खानको जोडीलाई ३–० को सोझो सेटमा पराजित गर्‍यो ।

नेपाली जोडीले खेल ११–६, ११–८, ११–४ ले आफ्नो पक्षमा पार्‍यो ।

अब बुधबार दोस्रो चरणमा यो जोडीले हङकङका क्वान टु यी र विङ लाम एनजीको जोडीसँग प्रतिस्पर्धा गर्नेछ ।

यसैगरी, संयोग कपाली र नवीता श्रेष्ठको जोडी भने पहिलो चरणमै सीमित बनेको छ ।

यो जोडी मंगोलियाका बिल्गुन अन्खबायर र अन्ख्मा सेर ओडको जोडीसँग ३–१ को सेटमा पराजित भयो ।

पहिलो सेट ११–२ ले आफ्नो पक्षमा पारेको नेपाली टोली त्यसपछिका तीन सेटमा क्रमशः ६–११, ६–११, ९–११ ले पछि पर्‍यो ।

यसअघि पुरुष तथा महिला टिम इभेन्टमा नेपाल समूह चरणमै सीमित भएको थियो ।

प्रकाशित मिति: मंगलबार, असोज ६, २०८३ १९:१४

प्रतिक्रिया दिनुहोस्

न्यूज २४ दैनिक

थप खेलकुद

साताको लोकप्रिय

२०औँ एसियाली खेलकुदः महिला कबड्डीमा नेपाल विजयी