सुनको मूल्य अहिलेसम्मकै उच्च, प्रतितोला २ लाख १७ हजार ८०० पुग्यो

काठमाडौँ, ६ असोज । नेपाली बजारमा सुनको मूल्य निरन्तर उकालो लाग्दै हालसम्मकै उच्च विन्दुमा पुगेको छ । नेपाल सुनचाँदी व्यवसायी महासङ्घका अनुसार आइतबार प्रतितोला रू २ लाख १७ हजार १०० मा कारोबार भएको सुन आज थप रू ७०० ले बढेर प्रतितोला रू २ लाख १७ हजार ८०० मा पुगेको हो ।

महासङ्घले दिएको जानकारीअनुसार, चाँदीको मूल्य पनि स्थिर वृद्धि देखिएको छ । आज चाँदी प्रतितोला रू २ हजार ६५० मा खरिद–बिक्री भइरहेको छ । मूल्य वृद्धिसँगै सुन–चाँदी बजारमा चहलपहल बढ्ने अनुमान गरिएको छ ।

यसैबीच अन्तर्राष्ट्रिय बजारमा पनि सुनको मूल्य उच्च विन्दुमा नै छ । आज सुन प्रतिऔंस करिब ३ हजार ६९१ अमेरिकी डलरमा कारोबार भइरहेको अन्तर्राष्ट्रिय समाचार संस्थाहरूले जनाएका छन् ।