विराटनगरमा सामूहिक जमरा

विराटनगर, ६ असोज - बडा दशैंको पूजाआजामा विशेष महत्व राख्ने जमरा यस वर्ष विराटनगरका स्थानीयहरूले सामूहिक रूपमा राखेका छन् । दैनिक पूजापाठ र व्यवस्थापनलाई सहज बनाउन विराटनगर वडा नं. ३ स्थित राधाकृष्ण शिवपंचायन मन्दिरमा सामूहिक जमरा राखिएको हो ।

मन्दिरमा घटस्थापनादेखि नै चण्डी पाठ सुरु गरिएको छ भने घटस्थापनाको पूजासमेत विधिपूर्वक सम्पन्न गरिएको आयोजक समितिले जानकारी दिएको छ । यस वर्ष करिब ३८७ परिवारले सामूहिक जमरा राखेका छन् ।

जमरा राख्ने प्रत्येक परिवारले ३५० रुपैयाँ मन्दिरमा बुझाउनु पर्ने व्यवस्था गरिएको छ । आवश्यक पूजासामग्री मन्दिरले नै उपलब्ध गराउने भएकाले भक्तजनलाई सजिलो भएको सहभागीहरूले बताएका छन् ।