नेपालमा फाइभजी र एआईमा आधारित डिजिटल रूपान्तरणलाई तीव्रता दिंदै ह्वावे

काठमाडौं । ह्वावेले फाइभजीको विकासलाई तीव्रता दिऔँ, बौद्धिक प्रविधिको प्रयोग बढाऔँ” भन्ने मूल नाराका साथ ह्वावे नेपाल आइएसपी इभेन्ट आयोजना गरेको छ । कार्यक्रममा अग्रणी इन्टरनेट सेवा प्रदायकहरू, आईसीटी उद्यम तथा क्षेत्रका सरोकारवालाहरूको सहभागिता रहेको थियो। कार्यक्रममा नयाँ पुस्ताको कनेक्टिभिटी, कृत्रिम बौद्धिकता र डिजिटल पूर्वाधारमा विकसित भइरहेका अवसरहरूबारे छलफल गरिएको थियो।
कार्यक्रमले नेपालको डिजिटल रूपान्तरणलाई सहयोग पु¥याउने तथा देशको आईसीटी इकोसिस्टमलाई थप सुदृढ बनाउने उद्देश्यसहित नयाँ प्रविधि, बौद्धिक नेटवर्क र नवीन व्यावसायिक मोडेलबारे ज्ञान तथा अनुभव आदानप्रदान गर्ने साझा मञ्च प्रदान गरेको थियो।
कार्यक्रममा सहभागीहरूलाई स्वागत गर्दै ह्वावे नेपालका प्रमुख कार्यकारी अधिकृत चेस्टर चेनले भने, ‘नेपालको डिजिटल इकोसिस्टम नयाँ चरणमा प्रवेश गरिरहेको छ, जहाँ कनेक्टिभिटी आर्थिक वृद्धि, नवप्रवर्तन र डिजिटल समावेशिताको आधार बनिरहेको छ। प्रयोगकर्ताका अपेक्षाहरू निरन्तर परिवर्तन भइरहेका अवस्थामा इन्टरनेट सेवा प्रदायकहरूले परम्परागत कनेक्टिभिटीभन्दा अगाडि बढेर बौद्धिक नेटवर्क, एआईमा आधारित सञ्चालन प्रणाली र नयाँ व्यावसायिक मोडेलहरू अपनाउन आवश्यक छ। यस रूपान्तरणलाई सहयोग पु¥याउन नवीन प्रविधि, विश्वव्यापी अनुभव र उद्योगका उत्कृष्ट अभ्यासहरू उपलब्ध गराउँदै नेपालको क्ष्क्ए उद्योगसँग सहकार्य गर्न ह्वावे प्रतिबद्ध छ।’

कार्यक्रममा ह्वावे ओभरसिज क्ष्क्ए बिजनेस युनिटका प्रमुख सञ्चालन अधिकृत लरेन्स वुले एआईले क्ष्क्ए उद्योगलाई कसरी रूपान्तरण गरिरहेको छ भन्ने विषयमा प्रकाश पारे। उनले उच्च कार्यसम्पादनयुक्त नेटवर्क, कम्प्युटिङ स्रोत र नयाँ डिजिटल सेवाहरूको माग बढ्दै गएको उल्लेख गरे। साथै, नेपालको प्रतिस्पर्धात्मक विद्युत् लागत र उदाउँदा एआईसम्बन्धी अवसरहरूको सदुपयोग गर्दै परम्परागत इन्टरनेट कनेक्टिभिटी सेवाभन्दा बाहिरका क्षेत्रमा समेत विस्तार हुन सक्ने सम्भावना औँल्याए।