नेपाली सडकमा गुड्छन् नामीका एक हजार विद्युतीय गाडी

काठमाडौं (संवाददाता) – एमएडब्लू वृद्धिले आयात तथा बिक्री–वितरण गर्दै आएको नामी ब्राण्डका एक हजारभन्दा बढी विद्युतीय गाडीहरू नेपाली सडकमा गुड्ने कम्पनीले जनाएको छ । यो ब्राण्डको विद्युतीय गाडीको संख्या नेपाली सडकमा बढ्दै गएको कम्पनीको दाबी छ ।

एमएडब्लू वृद्धिले नेपाली सडकमा एक हजार बढी नामीका विद्युतीय गाडी गुड्न थालेको अवसरमा उत्सव मनाएको छ । एमएडब्लू वृद्धिले नामीलाई नेपालको फास्टेस्ट ग्रोइङ प्रिमियम इभी ह्याचब्याकका रूपमा स्थापित गर्न सफल भएको दाबी छ ।

उत्सवका अवसरमा एमएडब्लूका वृद्धिका अध्यक्ष विष्णु अग्रवाल र प्रबन्ध निर्देशक विवेक सिकरिया, एमएडब्लू वृद्धि अटोकर्पका निर्देशक पार्थ सिकरिया र एमएडब्लू वृद्धि मोटर्सका सीईओ प्रशन्न पन्तसँगै डिलर साझेदारहरूको उल्लेखनीय उपस्थिति रहेको थियो ।

नामी करिब १४ महिना अगाडि सन् २०२४ अगस्ट २२ मा नेपाली बजारमा आएको थियो । यो गाडीले नेपालको ईभी बजारमा भव्य उपस्थिति जनाउँदै पहिलो पटक नाडा अटो शो २०२४ मा ‘शो स्टपर’का रूपमा प्रदर्शित भएको थियो । यो अवधिमा ग्राहकहरूमा यो निकै लोकप्रिय बन्यो । 

यसमा वेलकमिंग सीट, अटो पार्किंग, फ्रेमलेस डुअर, फ्लश ह्यान्डल जस्ता सेगमेन्ट–फस्र्ट फिचरहरूका साथै लेभल २ एडिएएस, वायरलेस चार्जिंग र भेन्टिलेटेड सीटहरू जस्ता सेगमेन्टमै उत्कृष्ट अत्याधुनिक प्रविधिहरू रहेका छन् ।

नामीले वास्तविक यात्रामा ३२० किलोमिटरभन्दा बढी रेन्ज दिन सक्ने भएकाले ग्राहकहरूले यसलाई निकै मन पराएका छन् । साथै, यसको डिजाइन, प्रिमियम फिचर र रङका विकल्पको पनि निकै आकर्षक छन् ।

ग्राहकले नामीलाई प्रविधि, डिजाइन र उपयोगिताको उत्कृष्ट संयोजन भएका कारणले मन पराएको एमएडब्लू वृद्धिका अध्यक्ष विष्णु अग्रवालले बताए । उनले यसले आफ्नो सेगमेन्टमा उत्कृष्ट फिचर, राम्रो रेन्ज र अपेक्षा गरिएभन्दा बढी अनुभव पनि प्रदान गरेको दाबी गरे ।