शेर्पालाई लुम्बिनी विकास बैंकको सम्मान

काठमाडौं (संवाददाता) – लुम्बिनी विकास बैंकले कीर्तिमानी पर्वतारोही कामीरिता शेर्पालाई सम्मान गरेको छ । बैंकले  ३१औं पटक सर्वोच्च शिखर सगरमाथाको सफल आरोहण गरेका शेर्पालाई सम्मान गरेको हो ।

शेर्पालाई सम्मान गर्न आयोजित कार्यक्रममा बैंकका प्रमुख कार्यकारी अधिकृत  नरेशसिंह बोहराले प्रगतिको कामना गर्दै सम्मान गरे । कीर्तिमानी पर्वतारोही शेर्पा दुई  दशकदेखि यस बैंकसँग ‘निरन्तर सहयात्री’ बनेका छन् ।

सम्मान कार्यक्रममा बोल्दै शेर्पाले कीर्तिमानी आरोहण आफ्ना लागि मात्र नभएर परिवार, शेर्पा समाज तथा सम्पूर्ण नेपाली र नेपालका लागि भएको बताए । शेर्पाले हालै ३१औं पटक विश्वकै सर्वोच्च शिखर सगरमाथाको सफल आरोहण गरेका छन् । शेर्पा स्थापनाकाल देखि नै ‘निरन्तर सहयात्रा’ गर्दै  आएको र ३१औं पटकको आरोहणका क्रममा लुम्बिनी विकास बैंकको लोगो अंकित ब्यानर चुचुरोमा पुगेर फहराएका थिए ।

देशका ७ वटै प्रदेशमा शाखा सञ्चालन गरी कारोबार गर्दै आइरहेको यो बैंक ८९ वटा शाखा कार्यालय तथा एक विस्तारित शाखा रहेको छ । यस बैंकको ‘निरन्तर सहयात्रा’ भन्ने  नाराका साथ उच्चस्तरीय, आधुनिक एवं नवीनतम प्रविधिहरूसहितको सुरक्षित बैंकिङ सेवा प्रदान गर्दै आइरहेको छ ।