ब्रम्ह्कुमारी राजयोग सेवा केन्द्र वीरगञ्जद्वारा स्वर्ण जयन्ती भव्य रुपमा सम्पन्न

मुस्कान श्रेष्ठ । 
वीरगञ्ज,पर्सा–२९ कात्तिक ।
ब्रम्हकुमारी राजयोग सेवा केन्द्र वीरगञ्ज क्षेत्रले स्वर्ण जयन्ती भव्यताको साथ मनाएको छ । केन्द्रले ५० वर्ष प्रवेश गरेको अवसरमा विभिन्न सांस्कृतिक कार्यक्रमको आयोजना गरेको हो । 

दुई दिने कार्यक्रममा संस्थालाई भवन निर्माण लगायत जग्गा दान दिएका दाताहरुलाई सम्मान गर्नुका साथै १ सय ८ कुमारीहरुको पूजा, स्नेह मिलन तथा प्रशिक्षण कार्यक्मको गरिएको छ ।  

कार्यक्रमकी प्रमुख अतिथि ब्रम्हकुमारी राजयोग सेवा केन्द्र नेपालकी निर्देशक राजयोगिनी राजदादीले समाजमा बढ्दै गएको विकृतिलाई निरुत्साहित गर्न ब्रम्ह्कुमारी संस्थाले आफ्नो आध्यात्मिक ज्ञानको माध्यमबाट समाजमा एकापसमा भाईचारा, सदभाव, मेलमिलापको भावना जागृत गर्दै आफ्नो व्यक्तिगत चरित्रलाई स्वच्छ बनाउन जनचेतना फैलाउदै आएको बताईन् । 

कार्यक्रममा सहभागीहरुले समाजमा सकारात्मक परिवर्तनमा यस संस्थाले महत्वपूर्ण भूमिका निवार्ह गर्दै आएको बताए । उनीहरुले बुद्धको जन्मभूमी नेपालमा हाल सिर्जित विषम परिस्थितिले आम जनमानसमा त्रासको वातावरण भएको बेला ब्रम्ह्मुकमारी संस्थाले देखाउने मार्गदर्शनको अझ बढी आवश्यकता महसुस भएको बताए । 

वक्ताहरुले महिलाहरु नेतृत्व लिन नसक्ने मानसिकता बोकेको समाजमा सकरात्मक परिवर्तनको अभियानमा विश्वयापी रुपमा  महिला वर्गको नेतृत्वले यो गलत भाष्यलाई चिर्न सफल भएको बताए । 

कार्यक्रममा ब्रम्ह्कुमारी राजयोग सेवा केन्द्र वीरगञ्जकी प्रमुख रवीना श्रेष्ठले सबैको साथ र सहयोगले ५ दशक पार गर्न सफल भएको बताईन् । उनले ब्रम्ह्कुमारी एक संस्था मात्र नभई मानव जातिमा रहेको असन्तुष्टी, तनाव र अज्ञानतालाई मेटाइ आध्यामिक चेतना बढाउने एक ईश्वरीय विश्व विधालय रहेको बताईन् । 

स्वर्ण जयन्तीको अवसरमा नेपालका विभिन्न क्षेत्र तथा यस संस्थाका मुख्यालय भारतको राजस्थानस्थित माउण्ट आबू, विहार राज्यबाट सयौँको संख्यामा बम्ह्कुमारीहरुको सहभागिता रहेको थियो ।  नेपाल भर यस संस्थाको करिब १ हजार प्रशिक्षण केन्द्र छन् ।