इच्छाकामनाले पायो बीमा दाबी रकम

काठमाडौं । प्रोटेक्भिट माइक्रो इन्स्योरन्सले इच्छाकामना गाउँपालिकालाई दाबी गरिएको बीमा रकम हस्तान्तरण गरको छ । इन्स्योरन्सको भक्तपुर शाखाले शनिबार गाउँपालिकाका अध्यक्ष दानबहादुर गुरुङ, उपाध्यक्ष माया सिलवाललगायतको उपस्थितिमा ३७ लाख ६५ हजार रुपैयाँको चेक उपलब्ध गराएको हो ।

भदौ २४ गते जेनजी आन्दोलनका क्रममा आन्दोलनकारीद्वारा जलाइएका गाउँपालिकाका एक वटा स्कर्पियो र एक वटा बोलेरो गाडीको क्षतिपूर्तिस्वरूप उक्त बीमा रकम प्रदान गरिएको इन्स्योरेन्सले जनाएको छ । प्रोटेक्भिट माइक्रो इन्स्योरेन्सले सेवा प्राप्तिकर्ताको जोखिम न्यूनीकरण तथा दाबी भुक्तानीमा द्रुत, पारदर्शी र दिगो सेवा प्रवाह गर्ने प्रतिबद्धता पुनः दोहोर्‍याएको छ ।