नेपाल बैंक ८९औं वर्षमा प्रवेश

काठमाडौं । नेपालको पहिलो बैंक नेपाल बैंक लिमिटेड ८९औं वर्षमा प्रवेश गरेको छ । वि.सं. १९९४ कात्तिक ३० गते स्थापना भएको बैंकले २०८२ कात्तिक ३० गते ८९औं वर्षमा प्रवेश गरेको अवसरमा प्रधान कार्यालयमा विशेष कार्यक्रम आयोजना गरेको छ ।

नेपालभर २३१ शाखा, २३७ एटीएम साथै ६१ वटा एक्टेन्सन काउन्टरको सञ्जालमार्फत करिब २७ लाख ग्राहकलाई वित्तीय सेवा पुर्‍याइरहेको बैंकले हाल आधुनिक बैंकिङ सुविधा उपलब्ध गराएको छ । करिव १० लाख ग्राहकहरूले डिजिटल प्रविधिमार्फत बैंकिंङ सेवा लिई लाभान्वित भएको बैंकले जनाएको छ । विगत केही वर्षयता बैंकले छिटोछरितो र गुणस्तरीय ग्राहक सेवामा मुख्य जोड दिई युवा जनशक्तिमार्फत नेपालभर बैंकिङ सेवा प्रदान गर्दै आएको छ । वार्षिकोत्सव कार्यक्रममा २५ बर्ष अटुट सेवा गर्ने ३ जना, २० बर्ष सेवा गर्ने ५३ जना कर्मचारीहरूलाई पदक तथा प्रशंसापत्र प्रदान गरिएको थियो ।

कार्यक्रममा बैंक सञ्चालक समितिका अध्यक्ष प्राडा डिल्लीराज शर्माले कर्मचारीहरूलाई आगामी दिनमा अझ सशक्त रुपमा अघि बढ्न र सबैले आ–आफ्ना अधिकार क्षेत्रभित्र रहेर उच्च मनोबल तथा इमानदारीसाथ काम गर्न आग्रह गरेका छन् ।