एनआईसी एशियाको शेयर कर्जा

काठमाडौं । एनआईसी एशिया बैंकले शून्य प्रिमियम सुविधा भएको प्रतिस्पर्धी ब्याजदरमा शेयर धितो राखेर प्रवाह गरिने कर्जा ‘एनआईसी एशिया शेयर लोन’ आकर्षक कर्जा योजना सार्वजनिक गरेको छ । बजार तथा समयको मागहरूलाई सम्बोधन गर्दै बैंकले शेयर बजारलाई सम्बोधन गर्ने गरी प्रतिस्पर्धी ब्याजदरमा शेयर कर्जा योजना सार्वजनिक गरेको बैंकले जनाएको छ ।

यस योजनाअन्तर्गत व्यक्तिगत लगानीकर्ताको लागि अधिकतम २५ करोड रुपैयाँ र संस्थागत लगानीकर्ताका लागि अधिकतम ५० करोड रुपैयाँसम्मको कर्जा रकम प्राप्त गर्न सक्ने व्यवस्था बैंकले गरेको छ ।

प्रतिस्पर्धी ब्याजदर, छिटो र पारदर्शी सेवा तथा लचिलो भुक्तानी योजनासहितको यस कर्जामार्फत ग्राहकहरूलाई सहजरूपमा कर्जा प्रदान गर्ने र कर्जासम्बन्धी सल्लाह, सुझाव तथा गुनासो एवं जिज्ञासाको उचित समयमा प्रभावकारी तवरले समाधान तथा निराकरण गर्ने हेतुले एकद्वार प्रणालीको व्यवस्था अनुरूप बैंकले ‘कर्जा सहायता केन्द्र’को समेत स्थापना गरेको पनि जनाएको छ ।