प्रहरीका तीन डीआईजीको सरुवा

काठमाडौं । गृहमन्त्रालयले नेपाल प्रहरीका तीन जना प्रहरी नायब महानिरीक्षक (डीआइजी)को सरुवा गरेको छ ।

विनोद घिमिरे, दीपककुमार बस्नेत र दिलीपसिंह देउवालाई सोमबारको मन्त्रिस्तरीय बैठकले सरुवाको निर्णय गरेको हो । घिमिरेलाई कोशी प्रदेश प्रहरी कार्यालय र बस्नेतलाई प्रहरी प्रधान कार्यालयको प्रदेश समन्वय विभागबाट अपराध अनुसन्धान विभाग पठाइएको छ । दिलीपसिंह देउवालाई बस्नेतका ठाउँमा सरुवा गरिएको प्रहरी प्रधान कार्यालयद्वारा जारी सूचनामा छ ।

कोशीका डीआइजी ईश्वर कार्की बढुवा भएपछि उक्त ठाउँमा मन्त्रालयले घिमिरेलाई पठाएको हो । केन्द्रीय प्रवक्तामा अविनारायण काफ्लेलाई ल्याएपछि घिमिरेलाई गत कात्तिक १८ देखि उक्त जिम्मेवारीबाट हटाइएको थियो ।