सिटिजन्स बैंकको साधारणसभा सम्पन्न

काठमाडौं । सिटिजन्स बैंक इन्टरनेसनल लिमिटेडको १९औं वार्षिक साधारणसभा बैंक शुक्रबार सम्पन्न भएको छ । बैंकले काठमाडौंको बत्तिसपुतलीस्थित अनुपम फुडल्याण्डमा बैंक सञ्चालक समितिका अध्यक्ष प्रवल जंग पाण्डेको अध्यक्षतामा सम्पन्न गरेको हो ।

साधारणसभाले आर्थिक वर्ष २०८१/८२ को संचालक समितिको वार्षिक प्रतिवेदन छलफल गरि पारित गरिएको छ । बैंकको लेखापरीक्षकको प्रतिवेदन सहित २०८२ आषाढ मसान्तको वासलात, नाफा नोक्सानीको हिसाव तथा नगद प्रवाह विवरण लगायतका एकीकृत वित्तीय विवरणहरू सभामा छलफल भई स्वीकृत भएको छ ।

साधारणसभाले आर्थिक वर्ष २०८१/८२ को वितरण योग्य नाफाबाट चुक्ता पुँजीको पाँच प्रतिशत बोनस शेयर र सोको कर प्रयोजनका लागि ०.२६३ प्रतिशत नगद लाभांश वितरण गर्ने सञ्चालक समितिको प्रस्ताव पनि पारित गरेको छ ।

बैंकले देशभर ६१ जिल्लामा फैलिएका आफ्ना २०० वटा शाखा, १६९ वटा एटीएम, ३ विस्तारित काउन्टर र ४२ वटा शाखा रहित बैंकिङ इकाइहरूबाट १९ लाख ५६ हजार ग्राहकवर्गलाई आधुनिक बैंकिङ सेवाहरू प्रदान गर्दै आएको छ ।