नेभिगेशन
शिक्षा

विश्वस्तरीय शिक्षाका लागि आईआईएमएस कलेज स्थापना

काठमाडौं (संवाददाता)– मलेसियाको टेलर्स विश्वविद्यालयसँगको सहकार्यमा सञ्चालनमा ल्याइएको क्याम्पस आईआईएमएस २.० को उद्घाटन शुक्रबार गरिएको छ । आधुनिक पूर्वाधार, उद्योग–अभिमुख कार्यक्रम र अन्तर्राष्ट्रिय साझेदारीका माध्यमबाट नेपालमा विश्वस्तरीय उच्च शिक्षा उपलब्ध गराउने उद्देश्यसहित कलेज स्थापना गरिएको बताइएको छ । 

सन् २०१० मा स्थापना भएको आईआईएमएस कलेजले अन्तर्राष्ट्रिय मापदण्डअनुरूपका स्नातक कार्यक्रमहरू प्रदान गर्दै आएको छ । सहकार्य संस्थामध्ये टेलर्स युनिभर्सिटी दक्षिणपूर्व एसियाकै अग्रणी निजी विश्वविद्यालयमध्ये पर्दछ, जसले क्यूएस वल्र्ड युनिभर्सिटी ¥यांकिङ्समा २५३ औं स्थान सुरक्षित गरेको छ । यसको एएसीएसबी मान्यता प्राप्त व्यवसाय कार्यक्रम विश्वस्तरिय शिक्षाप्रति प्रतिवद्धताको चिन्ह मानिन्छ ।

उद्घाटन समारोहमा टेलर्स युनिभर्सिटीका उपकुलपति प्रो. बेरी विन, एन्जी सोक पिङ, तथा डीनहरू प्राध्यापक नीथैयानाथन ए. रघवन र प्राध्यापक चोंग सियोंग छोय सहित उद्योग प्रतिनिधि, विद्यार्थी तथा सञ्चारकर्मीहरूको उपस्थिति रहेको थियो । 

कार्यक्रमलाई सम्बोधन गर्दै आईआईएमएस समूहका कार्यकारी अध्यक्ष सबिन्द्र महर्जनले भने, ‘आईआईएमएस २.० केवल भवन मात्र होइन, यो नेपालको भविष्यप्रति गरिएको प्रतिबद्धता हो । हामी नेपालमै विश्वस्तरीय शिक्षा उपलब्ध गराउँदैछौं ।’

त्यस्तै, टेलर्स युनिभर्सिटीका उपकुलपतिले यो सहकार्यलाई ‘अन्तर्राष्ट्रिय शिक्षामा महत्वपूर्ण माइलस्टोन’ भएको दाबी गरे ।

स्मार्ट कक्षा, अत्याधुनिक प्रयोगशाला, नवप्रवर्तन केन्द्र, डिजिटल शिक्षण क्षेत्र, रूफटप लर्निङ टेरस, टेलर्स क्याफे तथा आरन्य बुटिक होटल जस्ता अनुभवमा आधारित सिकाइ यो क्याम्पसबाट हुने बताइएको छ ।
 

प्रकाशित मिति:
प्रतिक्रिया दिनुहोस्