गगनको घोषणा–‘सभापति उठ्छु, काठमाडौं–४ छाड्दिन’

काठमाडौं (संवाददाता)– कांग्रेस महामन्त्री गगन थापाले पार्टीको आसन्न १५औं महाधिवेशनमा आफू सभापतिको उम्मेदवार हुने घोषणा गरेका छन् । नेपाल प्रेस युनियन सर्लाहीले शनिबार जनकपुरधाममा आयोजना गरेको पत्रकार भेटघाटमा उनले आफू सभापतिका उम्मेदवार हुने बताए ।  

केही समय पार्टीका साथीहरूसँग छलफल गरेर औपचारिक घोषणा गर्ने भन्दै उनले आफू सभापतिको उम्मेदवार हुने भने निश्चित नै रहेको बताए । त्यसैगरी, उनले निर्वाचन क्षेत्र परिवर्तनबारे सञ्चारकर्मीहको जिज्ञासामा यसपटक पनि काठमाडौं–४ बाटै चुनाव लड्ने प्रष्ट पारे । 

‘काठमाडौं–४ बाट तीन पटक सांसद निवाचित भएँ । अघिल्लो चुनावमा सर्लाहीको क्षेत्र नं. ४ का साथीहले माया प्रेम दर्शाउनुभयो । मेरो लागि एकदमै ठूलो कुरा हो,’ उनले भने, ‘काठमाडौंमा जन्मेको हुर्केको कांग्रेस कार्यकर्ताका लागि हाम्रो क्षेत्रमा आउनुस् भन्नुभएकोमा अनुगृहित छु, कृतज्ञ छु । तर, हाम्रो पार्टीभित्र सामान्य पमा जुन पमा काम गरेका छौं, त्यही क्षेत्रमा चुनाव लड्ने परम्परा छ । स्थापित मान्यता छ । त्यसलाई मैले पनि कायम राख्नुपर्नेहुन्छ ।’ 

१४औं महाधिवेशनमा सभापति उठेका शेखर कोइरालाले पनि सभापति उठ्ने घोषणा गरिसकेका छन् ।  उक्त अधिवेशनमा थापा कोइराला प्यानलमा थिए । उक्त पक्षबाट महामन्त्री जितेका थापाको सभापतिमा उठ्ने घोषणासँगै पुरानो सहकार्य टुट्ने भएको छ । सभापति शेरबहादुर देउवा समूहबाट पनि सभापति बन्न पूर्वपदाधिकारीहको दौडधुप जारी छ । 

उनले अहिले पुस अन्तिम साता हुने पार्टीको महाधिवेशन र फागुन २१ गते हुने प्रतिनिधिसभा निवार्नचनको तयारी  एकसाथ भइरहेको बताए । ‘यो पटक महाधिवेशनका लागि हामीलाई समयको चाप छ । फागुन २१ अघि चुनावको तयारी गर्नु छ । त्यसअघि पार्टीको महाधिवेशन गर्नु छ । महाधिवेशन र चुनावको काम सँगसँगै गरिरहेका छौं,’ उनले भने । महामन्त्री थापाले वर्तमान सरकारले फागुन २१ मै निर्वाचन गराउने विश्वास व्यक्त गरे । फागुन २१ मा चुनाव गर्नुको अर्को विकल्प सरकारसँग नभएको भन्दै उनले निर्वाचनबारे संशय हटाउने काम अब सरकारको भएको बताए ।