टीएएफई एनएसडब्ल्यू र यस एजुकेशनको कार्यक्रम

काठमाडौं – टीएएफई एनएसडब्ल्यू र यस एजुकेशन समूहको सहकार्यमा आयोजित अन्तरक्रियात्मक पुरस्कार तथा नेटवर्किङ कार्यक्रम काठमाडौंमा सम्पन्न भएको छ । अष्ट्रेलियाको प्रमुख व्यावसायिक तथा प्राविधिक शिक्षा प्रदायक संस्था टीएएफई एनएसडब्ल्यूले आयोजना गरेको कार्यक्रममा स्थानीय साझेदार, शिक्षा परामर्शदाता, विद्यार्थी अभिभावक तथा विभिन्न प्रतिष्ठानका प्रतिनिधिहरूको सक्रिय सहभागिता रहेको थियो ।

कार्यक्रमको सञ्चालन टीएएफई एनएसडब्ल्यूकी अन्तर्राष्ट्रिय विद्यार्थी भर्ना प्रमुख विजी शंकरले गरेकी थिइन् । उनले सहभागीहरूको उत्साह अभिवृद्धि गर्ने उद्देश्यले रमाइलो गेसिङ गेम, टेबल–आधारित क्विज तथा अन्तरक्रियात्मक प्रश्नोत्तर सत्र सञ्चालन गरिन् । साथै टीएएफई एनएसडब्ल्यूका विभिन्न तालिम तथा शिक्षा कार्यक्रम, ईएसओएस ऐनको पालना, राष्ट्रिय कोड तथा हालैका नीतिगत अद्यावधिक विषयमा विस्तृत जानकारीसमेत प्रस्तुत गरिन् ।

कार्यक्रमका दौरान उत्कृष्ट साझेदारहरूलाई सम्मानित गर्दै पुरस्कार तथा प्रमाणपत्र प्रदान गरिएको थियो । यस एजुकेशन समूहका प्रतिनिधिहरूले प्रत्येक टेबलमा प्रमाणपत्र र ब्रान्डेड उपहार वितरण गरेर कार्यक्रमलाई अझ आकर्षक बनाएका थिए ।