दुप्चेश्वरको भेटी १३ लाख

नुवाकोट । धान्यपूर्णिमाको अवसरमा नुवाकोटको दुप्चेश्वर महादेव मन्दिरमा लागेको जात्रामा १३ लाख रुपैयाँको भेटी संकलन भएको छ । मंसीर १३ देखि १७ गतेसम्म लागेको जात्रामा १२ लाख ८८ हजार भेटी संकलन भएको दुप्चेश्वर क्षेत्र विकास कोषका कोषाध्यक्ष राजकुमार श्रेष्ठले जनाए ।

कोषको बैंक खातामा क्युआरमार्फत ३४ हजार भेटी संकलन भएको छ । जात्रामा झण्डै एक लाख तीर्थालुले दर्शन गरेका थिए । मन्दिरमा शनिबार र सोमबार दैनिक पाँच हजार हारहारी तिर्थालु आउँछन् ।