एनआईसी एशियाका ग्राहकलाई आईएमई हस्पिटालिटीमा छुट

काठमाडौं – एनआईसी एशिया बैंक र आईएमई हस्पिटालिटीबीच बैंकका ग्राहकहरूलाई विभिन्न सेवामा छुट प्रदान गर्ने सहमति भएको छ । सो सम्बन्धी समझदारी पत्रमा बैंकको तर्फबाट डिजिटल एण्ड ट्रान्जेक्सन बैंकिङ प्रमुख विमल लम्साल र आईएमई हस्पिटालिटीका तर्फबाट प्रमुख कार्यकारी अधिकृत प्रसन्न अधिकारीले हस्ताक्षर गरेका छन् ।

छुट सुविधा लिन बैंकको डेबिट वा क्रेडिट कार्ड प्रयोग गरि भुक्तानी गर्नुपर्ने हुन्छ । बैंकका ग्राहकले आइएमई हस्पिटालिटी अन्तर्गतका विभिन्न होटल, रेष्टुरेन्ट तथा केबलकार सेवामा १० प्रतिशत छुट पाउनेछन् । काठमाडौंको लाजिम्पाटस्थित होटल ले हिमालय र सेक एण्ड फेंग रेष्टुरेन्ट, मौलाकाली स्थित इला होटल्स एण्ड रिसोर्ट्स, बाग्लुङको इला कम्फर्ट, पोखराको द लेकसाइड रिसोर्ट, मौलाकाली केबलकार र लुम्बिनी केबलकारमा सो छुट पाउन सकिन्छ ।

हस्पिटालिटीसँगको यस सहकार्यले ग्राहकहरुलाई छुट उपलब्ध हुनुको साथै मुलुकको डिजिटल भुक्तानी सेवालाई प्रवर्द्धन गरी नगदरहित कारोबारमा सहयोग पुग्ने विश्वास बैंकले लिएको छ ।