हिसानको अध्यक्षमा युवराज शर्मा

काठमाडौं । उच्च शिक्षालय तथा मावि संघ नेपाल (हिसान)को अध्यक्षमा युवराज शर्मा विजयी भएका छन् । गत शुक्रबार र शनिबार काठमाडौंमा सम्पन्न नवौं राष्ट्रिय महाधिवेशनले शर्मालाई नेतृत्वमा निर्वाचित गरेको हो । शर्माले १६० र प्रतिस्पर्धी लोकबहादुर भण्डारीले १०६ मत प्राप्त गरेका थिए । उपाध्यक्ष र महासचिव रहेका शर्मा र भण्डारी नेतृत्वका लागि प्रतिष्पर्धी बनेका थिए । यसैगरी, वरिष्ठ उपाध्यक्षमा टंकराज आचार्य र डा. स्वागत श्रेष्ठ, महासचिवमा रामहरि सिलवाल र कोषाध्यक्षमा शिव अधिकारी विजयी भएका छन् । नयाँ कार्यसमितिलाई निवर्तमान अध्यक्ष रमेशकुमार सिलवालले बधाई तथा शुधकामना दिएका छन् ।