टिचिङ हस्पिटलमा माछापुच्छ्रेको एक्सटेन्सन काउन्टर

काठमाडाैं । माछापुच्छ्रे बैंकले काठमाडौंको महाराजगंजस्थित त्रिभुवन विश्वविद्यालय शिक्षण अस्पताल (टिचिङ हस्पिटल)मा १२औं एक्सटेन्सन काउन्टर सञ्चालनमा ल्याउने भएको छ । अस्पतालमा उपचार गर्न आउने सेवाग्राहीलाई मध्यनजर गर्दै, बैंकले उक्त काउन्टर सञ्चालन गर्न लागेको हो ।  

काउन्टर सञ्चालनका लागि अस्पतालका कार्यकारी निर्देशक डा सुवासप्रसाद आचार्य र बैंकका प्रमुख कार्यकारी अधिकृत सन्तोष कोइरालाले सम्झौतापत्रमा हस्ताक्षर गरेका छन् ।  

काउन्टरमार्फत अस्पतालमा आउने बिरामीहरूले उपचारका क्रममा बिल भुक्तानी तथा रेमिट्यान्स सेवालगायतका विभिन्न बैंकिङ कारोबार सहजरूपमा प्रदान गर्ने बैंकले जनाएको छ ।