एयर कन्डिसन किन्दा टीसीएल टी२० क्याम्पेन विजेता

काठमाडौं – एउटा एयर कन्डिसनर खरिद गरेका धनगढीका पुष्कर अवस्थी विश्वकप क्रिकेटमा नेपालको खेल हेर्न मुम्बई जान पाउने भएका छन् । टीसीएल नेपालले भारतको मुम्बईस्थित वानखेडे स्टेडियममा आयोजना हुने टी२० विश्वकपअन्तर्गत नेपाल राष्ट्रिय क्रिकेट टोलीको खेल प्रत्यक्ष हेर्ने विशेष उपभोक्ता क्याम्पेनका विजेता सार्वजनिक गरेको हो । 

कम्पनीले देशभर सञ्चालन गरिरहेको ‘नेपालको शान, मुम्बईको मैदान’ अभियानअन्तर्गत अवस्थी पहिलो चरणका भाग्यशाली विजेता बनेका हुन् । उनले सुभेक्षा ट्रेड एण्ड सप्लायर्समार्फत एयर कन्डिसनर खरिद गरी कम्पनीको योजनानमा सहभागिता जनाएका थिए । 

यस योजनाअन्तर्गत विजेताले ४ रात ५ दिनको मुम्बई यात्रा सहित वानखेडे स्टेडियममा नेपाली टोलीको एउटा खेल प्रत्यक्ष हेर्ने अवसर प्राप्त गर्नेछन् । यात्रा प्याकेजमा हवाई टिकट, होटल बसाइ, म्याच टिकटलगायत सम्पूर्ण खर्च टीसीएल नेपालले व्यहोर्ने जनाएको छ । 

टीसीएल नेपालले यस क्याम्पेनमार्फत उपभोक्तालाई विश्वस्तरीय क्रिकेट अनुभव र अविस्मरणीय यात्रा प्रदान गर्ने लक्ष्य लिएको बताएको छ । सीमित अवधिका लागि लागू योजनामा अझै सहभागी भई विजेता बन्न सकिने कम्पनीको भनाइ छ ।