टुँडिखेलमा सोनाम ल्होसार

सोमबार तामाङ समुदायले नयाँ वर्षका रूपमा मनाउने सोनाम अर्थात् ग्याल्बो ल्होसारको उपलक्ष्यमा टुँडिखेलमा आयोजित कार्यक्रममा सहभागी । मुसा, गाई, बाघ, खरायो, ड्रागन (मेघ), सर्प, घोडा, भेडा, बाँदर, चरा, कुकुर र सुँगुर गरी १२ वर्गमा सोनाम ल्होसारलाई विभाजन गरिएको छ । ‘ल्होछार’ शब्द ‘ल्हो’ अर्थात् वर्ष वा साल र ‘छार’ वा ‘सार’ अर्थात नयाँ भन्ने दुई शब्द मिलेर बनेको छ । नेपालको उच्च पहाडी भेग र पहाडी भेगमा बसोबास गर्ने तामाङ समुदाय लगायत उत्तर छिमेकी मूलक चीनसहितका बौद्धमार्गीहरूको घनत्व रहेको क्षेत्रमा पनि ल्होसारलाई हर्षबढाई गर्दै नयाँ वर्ष मनाउने गर्दछन् । तस्बिर : नेपाल फोटो लाइब्रेरी