अन्तर्राष्ट्रिय ऊर्जा निकायबाट बाहिरिने अमेरिकाको चेतावनी

एजेन्सी । अमेरिकी ऊर्जामन्त्री क्रिस राइटले अन्तर्राष्ट्रिय ऊर्जा निकाय (आइइए)बाट फिर्ता हुने चेतावनी दोहोर्याउनुभएको छ । वासिङ्टनले संगठनलाई ‘अर्को वर्ष वा त्यसभन्दा बढी’ ‘नेट–जिरो एजेन्डा’ त्याग्न दबाब दिनेछ ।
पेरिसमा आइइए मन्त्रीस्तरीय बैठकको अन्तिम दिन राइटले भने, ‘ऊर्जा सुरक्षा सुनिश्चित गर्ने ५२ वर्ष पुरानो संस्था संस्थापक अभियानमा फर्कनुपर्छ ।’ आइइए सन् १९७३ को पेट्रोलियम संकटपछि आपूर्तिको प्रमुख अवरोधको समाधानका लागि समन्वय गर्न सिर्जना गरिएको थियो ।
‘संगठनले जलवायु एजेन्डा अपनाएको छ, जसमा सन् २०५० सम्म शुद्ध शून्य उत्सर्जनमा पुग्ने लक्ष्य समावेश छ,’ राइटले भने, ‘अमेरिकाले आइइएलाई अर्को वर्ष वा त्यसभन्दा बढी समयमा यो एजेन्डाबाट टाढा लैजानका लागि हामीसँग पर्ने सबै दबाब प्रयोग गर्नेछ । आइइएले ऊर्जा इमानदारी, ऊर्जा पहुँच र ऊर्जा सुरक्षाको मिसनमा ध्यान केन्द्रित गर्न सकेन भने दुःखको कुरा हामी आइइएको पूर्व सदस्य हुनेछौँ ।’