कैलाश वोधीले ११ र १२ कक्षा सञ्चालनमा ल्याउने तयारी

काठमाडौं । बौद्ध रामहिटी रामनगरस्थित कैलाश वोधी माध्यामिक विद्यालयको ३३ औ स्थापना दिवस तथा अभिभावक दिवस सम्पन्न भएको छ । शनिबार विद्यालयद्धारा आयोजित कार्यक्रमा ख्यातिप्राप्त राष्ट्रिय धावक बैकुण्ठ मानन्धरले विद्यार्थीलाई शिक्षा र अतिरिक्त कृयाकलाप दुवै आवश्यक भएको हुँदा विद्यार्थीको शैक्षिक विकाससँगै चौतर्फी विकासमा विद्यालयले महत्वपूर्ण भूमिका निर्वाह गर्न सक्ने बिषयमा प्रकाश पारेका थिए । कार्यक्रममा विद्यालयकी संस्थापक प्रिन्सिपल कर्मा छेजोम लामाले विद्यालयले कर्णाली क्षेत्रका विकट ग्रामिण भेगका विद्यार्थी देखि देशका विभिन्न भागका विद्यार्थीहरुलाई लक्षित गरेको बताइन । बिपन्न बर्ग तथा विकट क्षेत्रका विद्यार्थीलाई गुणस्तरिय र सुलभ खर्चमा पठन पाठन गराएको पिन्सिपल लामाको भनाई छ । कार्यक्रममा हुम्ला समाजका अध्यक्ष अंग बहादुर लामाले कर्णाली क्षेत्रका विभिन्न तहका विद्यार्थीलाई यस विद्यालयले शैक्षिक विकासमा सहयोग पुर्याएको चर्चा गरेका  थिए । कार्यक्रममा न्यूज २४ दैनिकका प्रधान सम्पादक नवराज चालिसेले मुलुकको विद्यालय शिक्षामा निजी क्षेत्रको भूमिका महत्वपूर्ण रहेको चर्चा गर्दै कैलाश बोधीले  विभिन्न अवस्थाका विद्यार्थीलाई समेटेर यस क्षेत्रको शैक्षिक विकासमा महत्वपूर्ण भूमिका निर्वाह गरेको बताए । 

कार्यक्रम जुम्ला प्याब्सनका अध्यक्ष तथा कैलाश वोधी स्कूल जुम्लाका प्रिन्सिपल टासी ढुण्डुप लामाले स्कूलले विद्यार्थीको सवै खालको विकासमा आफना कार्यक्रमहरु लक्षित गरी संचालन गरेको हुदाँ उत्कृष्ट नतिजा ल्याउन सफल भएको बताए । काठमाडौ महानगरपालिका वडा नं ६ का सदस्य लिला विसुंखेले विद्यालयले सबै खालका विद्यार्थी र अभिभावको समस्या र कठिनाईलाई बुझेर काम गर्न सकेमा स्थानीय क्षेत्रमा सहयोग प्ुग्ने बताइन् । कार्यक्रममा विद्याथीहरुले विभिन्न परम्परा र लोक सस्कृति झल्कने गीत संगित तथा नृत्य प्रस्तुत गरेका थिए । कार्यक्रम विभिन्न कक्षामा प्रथम, द्धितीय र तृतीय तथा उत्कृष्ट अंक ल्याउने विद्याथीलाई पुरस्कार तथा प्रमाण पत्र प्रदान गरिएको थियो । कार्यक्रममा विद्यालयका भाइस प्रिन्सिपल बिमल अधिकारीले विद्यालयले शैक्षिक क्षेत्रमा निर्वाह गरेको भूमिकाको विषयमा प्रकाश पारेका थिए । कार्यक्रममा कोर्डिनेटर कुन्साङ छोडेन लामाले स्वागत मन्तब्य राख्दै विद्यालयको शैक्षिक अवस्थाको चर्चा गरेको थिए । 
कार्यक्रम संचालन शिक्षक प्रेम राई र शिक्षिका अम्विका निरौलाले संचालन गरेका थिए ।