२०८२ साल भदौ १३ गते शुक्रबारको राशिफल

मेष (चु, चे, चो, ला, लि, लु, ले, लो, अ) -

आर्थिक क्षेत्रमा नयाँ अवसर भेटिने भए पनि खर्चमा सजग रहनुपर्छ । परिवारमा सहयोग र समर्थन पाइनेछ । ब्रह्म योगको प्रभावले रोकिएका कामहरू अघि बढ्ने सम्भावना छ । तर अनावश्यक विवादमा नजाने, स्वास्थ्यमा ध्यान दिने, र मानसिक सन्तुलन कायम राख्नुपर्छ ।

वृष (इ, उ, ए, ओ, वा, वि, वु, वे, वो) -

दिन अनुकूल रहनेछ । पैतृक सम्पत्तिबाट फाइदा वा पारिवारिक सहयोग पाउने योग छ । व्यवसायमा लाभ हुने संकेत छ । तर, हतारमा निर्णय गर्दा समस्या आउन सक्छ । धैर्यपूर्वक अघि बढे मनोकामना पूरा हुने सम्भावना प्रबल छ ।

मिथुन (का, कि, कु, घ, ङ, छ, के, को, हा) -

नयाँ साझेदारी र नेटवर्किङबाट लाभ हुने दिन हो । व्यापार वा जागिरमा प्रगति हुने संकेत छ । तपाईँको कामप्रति वरिष्ठ अधिकारीहरू सन्तुष्ट रहनेछन् । तर, स्वास्थ्यमा ध्यान दिनु उपयुक्त हुन्छ । आज सामाजिक मान–सम्मान पनि बढ्ने योग छ ।

कर्कट (हि, हु, हे, हो, डा, डि, डु, डे, डो) -

लक्ष्मी–नारायण राजयोगको विशेष प्रभावले महालक्ष्मीको कृपा प्राप्त हुने छ । पुराना समस्या समाधान हुनेछन्, आर्थिक लाभ हुने छ । पारिवारिक समर्थन बलियो हुनेछ । करियरमा प्रगति, सम्मान र आत्मविश्वास दुवै बढ्नेछन् । आजका निर्णयहरूले भविष्य उज्यालो बनाउन सक्छ ।

सिंह (मा, मि, मु, मे, मो, टा, टि, टु, टे) - 

आजको दिन अनुकूल छ । कार्यक्षेत्रमा नयाँ शैली अपनाउँदा सफलता प्राप्त हुनेछ । आर्थिक लाभ हुने सम्भावना छ, लगानीमा लाभ पाउनुहुनेछ । सामाजिक रूपमा प्रतिष्ठा बढ्नेछ । पारिवारिक जीवन सुखदायी रहनेछ । आत्मविश्वास उच्च हुने दिन छ ।

कन्या (टो, पा, पि, पु, ष, ण, ठ, पे, पो) -

भाग्य उदाउने दिन हो । साथी वा पुराना मित्रहरूको सहयोग पाइनेछ । व्यवसायमा विशेष लाभ मिल्नेछ । शिक्षा, अनुसन्धान वा सीपसँग सम्बन्धित क्षेत्रमा सफलता भेटिनेछ । समय सकारात्मक भएकाले नयाँ योजनामा हात हाल्न सकिन्छ । आर्थिक लाभको राम्रो सम्भावना छ ।

तुला (रा, रि, रु, रे, रो, ता, ति, तु, ते) - 

आजको दिन सुखदायी छ । पारिवारिक सम्पत्तिबाट फाइदा वा लाभ पाउने सम्भावना छ । करियरमा प्रगति हुनेछ । तर, खर्चमा नियन्त्रण आवश्यक छ । आत्मविश्वास र साहसले तपाईंलाई अगाडि बढाउनेछ । साझेदारीमा सफलता मिल्नेछ ।

वृश्चिक (तो, ना, नि, नु, ने, नो, या, यि, यु) - 

सतर्क रहनुपर्ने दिन हो । आर्थिक रूपमा लाभ भए पनि निर्णय लिँदा सजग हुनुपर्छ । आत्मविश्वास बलियो रहनेछ । नयाँ काम सुरु गर्न सकिने समय छ । तर, विवाद वा अनावश्यक छलफलबाट टाढा रहनु बुद्धिमानी हुनेछ ।

धनु (ये, यो, भा, भि, भु, धा, फा, ढा, भे) -

आय बढ्ने दिन हो । नयाँ आयस्रोत प्राप्त हुनेछ । तर, खर्चमा नियन्त्रण राख्नु आवश्यक छ । कार्यक्षेत्रमा व्यस्तता बढ्नेछ, जसका कारण व्यक्तिगत जीवनमा समय दिन गाह्रो हुन सक्छ । सामाजिक सञ्जाल र सम्बन्ध विस्तार हुनेछ ।

मकर (भो, ज, जि, खि, खु, खे, खो, गा, गि) - 

आज साझेदारी र व्यवसायिक क्षेत्रमा लाभ हुनेछ । नयाँ अवसर पाउनुहुनेछ । आर्थिक लाभ हुने सम्भावना छ । तर, कुनै ठूलो निर्णय लिनुअघि राम्ररी सोच विचार गर्नुपर्छ । पारिवारिक सहयोगले काममा सहजता आउनेछ। आजको दिन आत्मविश्वासपूर्वक अघि बढ्नुपर्छ ।

कुम्भ (गु, गे, गो, सा, सि, सु, से, सो, दा) - 

विभिन्न स्रोतबाट धनलाभ प्राप्त हुनेछ । सामाजिक र व्यवसायिक नेटवर्क बढ्नेछ । वरिष्ठ अधिकारीहरू तपाईँको कार्यक्षमता देखेर खुसी हुनेछन् । गोप्य योजनाहरू सफल हुने योग छ । तर, खर्चलाई नियन्त्रणमा राख्न आवश्यक छ ।

मीन (दि, दु, थ, झ, ञ, दे, दो, चा, चि) - 

आज परिवर्तनको दिन हो । कार्यक्षेत्रमा नयाँ अवसर आउन सक्छ, जसले केही असमञ्जस ल्याउन सक्छ । तर, सकारात्मक दृष्टिकोण अपनाए राम्रो परिणाम मिल्नेछ । आर्थिक स्थिति बलियो रहनेछ । खर्चलाई नियन्त्रणमा राखे अझ लाभदायी हुनेछ ।