'सरकार, अछाममा बिजुली कहिले बल्छ ?'

अछाममा जिल्लाका विभिन्न गाउँहरुमा अहिलेसम्म विद्युतको राष्ट्रिय प्रशारण लाइन नपुगेको र सरकार र विद्युत प्राधिकरणले यसमा ध्यान नदिएको विषयमा आज युवाहरुले माइतीघर मण्डलामा विरोध प्रदर्शन गरेका  छन् ।

सुदूपश्चिमाञ्चलको बोलन्या थली फोरमले आज लालटिन बोकेर सरकार र प्राधिकरण कहाँ छन् भने सांकेतिक रूपमा प्रदर्शनी गरेका हुन् ।

अछाम जिल्लाका विभिन्न स्थानहरू क्वाखेल, जामा, फल्टाने, सुनदेवी, छडानदेवी र भूल हरफ बलातामा अहिलेसम्म राष्ट्रिय प्रशारण लाइन नपुगेको र सो क्षेत्रका ४ हजारभन्दा बढी स्थानीयहरू अहिले पनि अन्धकारमा बस्नु परेको सो फोरमका अध्यक्ष यादव जोशीले बताए ।

- तस्विर : नेपाल फोटो लाइब्रेरी ।