नवौं सिटिजन्स इन्ट्रा बैंक इन्डोर क्रिकेट प्रतियोगिता आयोजना

काठमाडौं । सिटिजन्स बैंक इन्टरनेशनलको १९औं वार्षिकोत्सवको अवसरमा आयोजित नवौं सिटिजन्स इन्ट्रा बैंक इन्डोर क्रिकेट प्रतियोगिता २०२६ सम्पन्न भएको छ । दुई दिनसम्म चलेको प्रतियोगितामा विजेता टोलीलाई पुरस्कार वितरण गर्दै कार्यक्रम समापन गरिएको हो ।
फागुन २९ गते शुक्रबारदेखि फागुन ३० गते शनिबारसम्म काठमाडौंमा आयोजित प्रतियोगितामा व्यवस्थापन समूहअन्तर्गत आठ टिमको सहभागिता थियो । बैंकका विभिन्न विभाग तथा शाखाबाट ८४ कर्मचारीले प्रतियोगितामा सक्रिय सहभागिता जनाएका थिए ।
समापन कार्यक्रममा बैंकका प्रमुख कार्यकारी अधिकृत गणेशराज पोखरेलले विजेता तथा उपविजेता टोलीलाई पुरस्कार वितरण गरे । सो अवसरमा उनले यस्ता कार्यक्रमले संस्थागत संस्कारलाई थप मजबुत बनाउनेमात्र नभई सुशासन र प्रणालीगत अनुशासनप्रति संस्थाको प्रतिबद्धता झल्काउने बताए । साथै, यस्ता गतिविधिले संस्थाभित्र अनुशासन, आपसी सहकार्य र स्वस्थ जीवनशैली प्रवर्धन गर्न महŒवपूर्ण भूमिका खेल्ने विश्वास पनि उनले व्यक्त गरे ।
बैंकले आगामी दिनहरूमा पनि यस्ता कार्यक्रममार्फत कर्मचारीबीच आपसी सहकार्य, सकारात्मक ऊर्जा र संस्थागत एकतालाई थप सुदृढ बनाउने जनाएको छ । विश्वकै प्रतिष्ठित ‘बैंक अफ द इयर २०२४’ र ‘बैंक अफ द इयर २०२५’ अवार्ड प्राप्त गर्न सफल बैंकले फोनपेसँगको सहकार्यमा नेपालमै पहिलो पटक ‘सिटिजन्स फोनपे क्रेडिट कार्ड’ भर्चुअल क्रेडिट कार्ड सञ्चालनमा ल्याइसकेको छ । साथै, बैंकले नवयुवालाई लक्षित ‘सिटिजन्स जेन–जी सेभिङ अकाउन्ट’, ‘सिटिजन्स डिजी बैंक सेवा’ नामक एकीकृत अनलाइन प्लेटफर्म तथा फ्रिलान्सरहरूका लागि ‘फ्रिलान्सर सेविङ्ज अकाउन्ट’ सञ्चालनमा ल्याएको छ ।
मोबाइल बैंकिङ एपमार्फत नै शेयर आवेदन र सीआरएन नम्बर सेवा लिन सकिने सुविधा तथा क्रस–बैंक टेलर सेवासमेत बैंकले सुरु गरेको छ । जसअन्तर्गत अन्य बैंकका ग्राहकले सिटिजन्स बैंकको शाखाबाट टेलर क्यूआर स्क्यान गरी नगद प्राप्त गर्न सक्छन् । हाल बैंकले देशका ६१ जिल्लामा फैलिएका २०० शाखा, १६९ एटीएम, ३ विस्तारित काउन्टर तथा ४२ शाखारहित बैंकिङ इकाइमार्फत करिब १९ लाख ९७ हजार ग्राहकलाई सेवा प्रदान गर्दै आएको छ ।