सिद्धार्थ बैंकद्धारा राउटे समुदायलाई १ लाख बराबरको खाद्यान्न सहयोग

काठमाडौँ । कर्णाली प्रदेशको सुर्खेतमा लोपोन्मुख राउटे समुदायलाई खाद्यान्न सहयोग गरिएको छ । सिद्धार्थ बैंकले आफ्नो कर्पोरेट सामाजिक उत्तरदायित्व कार्यक्रम अन्तर्गत राउटे समुदायलाई एक लाख रुपैयाँ बराबरको खाद्यान्न तथा आवश्यक सामग्री सहयोग गरेको हो ।
सुर्खेतको लेकबेशी नगरपालिका–२ सियाँला गोठेरी खोलामा बसोबास गर्दै आएका लोपोन्मुख राउटे समुदायलाई सिद्धार्थ बैंकले खाद्यान्न तथा आवश्यक सामग्री सहयोग गरेको छ ।
 एईआइएन लक्जेम्बर्गको साझेदारी, सोसेक नेपालद्वारा संचालित राउटे परियोजनाको समन्वयमा बैंकले चामल, नुन, खुर्सानी तथा राउटे नागरिकहरुले लगाउने कपडा,जुक्ता गरेर १ लाख बरावरको सहयोग गरेको हो ।
सिद्धार्थ बैंकका कर्णाली प्रदेश प्रमुख तथा लुम्बिनि उपप्रदेश प्रमुख केशव खातिले कर्पोरेट सामाजिक उत्तरदायित्व  अन्तरर्गत जुन राउटे समुदायको जीवनशैलि,रहनसहन, आवश्यकता, शिक्षा, स्वास्थ्य सम्बन्धि राउटे समुदायमै पुगेर जानकारी लिएको बताए । यसै अवसरमा सोसेक नेपाल सँग सहकार्य गरेर १ लाख बरावरको खाध्यान्ह सहयोग गर्नपाएकोमा सिदार्थ वैंकको तर्फबाट खुशि लागेको धारणा राखे । प्रमुख खातिले अब यो समुदायमा आउने दिनमा बितिय साक्षरता, शिक्षा, सचेतनाका कुराहरु पनि आवश्यकता देखिएकोले आगामि दिनमा अन्य कार्यक्रमहरुमा पनि जोड दिदै जाने बताए । 
खाध्यन्ह सामग्रि पाएर खुशि भएका राउटे मुखिया शेर बहादुर शाहिले भने अहिले चामल,नुन, खुर्सानी, सावुन लगायत कपडाहरु दिएकोमा  धन्यवाद दिदै  खुशि भयौं । पहिलेको राउटे जस्तो अहिले समय अनुसार परिवर्तित भएको भने । पहिलेको राउटे गाडी नचड्ने गर्थो, कपडा लगाउने गर्थेन अहिले लाउछौं, दुनियाले सावुनले नुहाएको देखेर राउटे पनि सावनुले नुहाउन थाल्याको छ,पछिपछि दुनिया जस्तै राउटे पनी हुनलागेको छ मुिखया शाहीले भने । 
राहत बितरण कार्यक्रममा सोसेक नेपालका कार्यकारी निर्देशक हिरासिहं थापाले अहिलेको समयमा भत्ता पाउने समय पनि नभएको र उहाँहरुले उत्पादन गरेका सामग्रिहरु पनि बिक्रि नभएको अवस्थामा जोखिममा रहेको राउटे समुदायलाई सिद्धार्थ बैंकले १ लाख बरावरको राहत उपलब्ध गराइदिएकोमा बैंकलाई धन्यवाद दिए । आगामी दिनमा यो समुदाय जोखिममा रहेको राउटे समुदाय भएकोले, सामाजिक कार्य तथा महिला र वालवालिकाको अवस्थालाई अझै सुधारको बाटो तर्फ लिन संस्था र बैकंको सहकार्य निरन्तरताको आवश्यक रहेको उल्लेख गरे ।
पहिले लोपोन्मुख राउटे समुदायका स्पष्ट तीन मान्यता थिए, एकै ठाउँमा नबस्ने, खेतीपाती गर्न नमान्ने र लेखपढ नगर्ने । राउटे समुदाय पछिल्लो समय परम्परागत मान्यताबाट पछि हट्दै गरेको देखिन्छ । अहिलेको समयमा राउटे समुदायका बालबालिका अक्षर चिन्न थालेका छन् । पैसा छोए पछि पाप लाग्छ भन्ने यो समुदाय अहिले सरकारबाट सामाजिक सुरक्षा भत्ता पनि बुझ्ने गदर्छन ।