रोल्पाको थवाङमा जिप दुर्घटना, १७ जनाको मृत्यु

काठमाडौं । रोल्पामा जिप दुर्घटना हुँदा कम्तीमा १७ जना यात्रुले ज्यान गुमाएका छन् । जिल्ला प्रहरी कार्यालय रोल्पाका अनुसार थवाङ गाउँपालिका १ जलजलामा रुकुम पूर्वबाट जाँदै गरेको जिप दुर्घटनामा परेको हो ।

प्रहरीका अनुसार अहिले घटनास्थलमा उद्धारकार्य चलिरहेको छ । जिल्ला प्रहरी कार्यालय, रोल्पाका अनुसार यात्रुले भरिएको जिप सडकबाट ८०० मिटर तल भिरमा खसेर दुर्घटना भएको हो ।

दुर्घटनामा अन्य यात्रुहरुको खोजी कार्य जारी रहेको र मृतकहरुको सनाखत हुन बाकी रहेको प्रहरीले बताएको छ । 

सबै यात्रुहरु रोल्पाको थवाङ स्थित प्रसिद्ध धार्मिक स्थल जलजला मन्दिरमा पुजा गर्न जान लागेको बताइएको छ। घटनाको बारेमा थप अनुसन्धान भैरहेको प्रहरीले बताएको छ।