बलयबासमा रक्तदान

सर्लाही । सर्लाहीको बलयबासमा लायन्स क्लब अफ मधेश ईश्वरपुर हेल्पिङ ह्याण्डको आयोजनामा भएको रक्तदान कार्यक्रममा ७० जनाले रक्तदान गरेका छन् । लायन्स क्लब अफ मधेश ईश्वरपुरले सधैं आयोजना गर्दै आएको कार्यक्रम यस पटक पनि आयोजना गरिएको हेल्पिङ ह्याण्डका अध्यक्ष डा. आलोक कुशवाहाले बताए । लायन्स क्लब अफ मधेश ईश्वरपुर हेल्पिङ ह्याण्डले ईश्वरपुर नगर अस्पतालमा मिर्गौला (किड्नी) सम्बन्धी डायलाइसिस सेवा सुरु भएसँगै रगत कम नहोस् भन्ने हेतूले रक्तदान कार्यक्रम आयोजना गरिएको लायन्स क्लब अफ मधेश ईश्वरपुर हेल्पिङ ह्याण्डका सदस्य मुकेश साफीले जनाए । उनले भने, ‘रक्तदान गर्नेहरू पहिलेभन्दा बढ्दै गएका छन्, पहिले डराएर विभिन्न बाहाना बनाउनेहरु अहिले हाँसीखुसी रगत दिन्छन् ।’ नेपाल रेडक्रस सोसाइटी बर्दिबास महोत्तरी शाखाको प्राविधिक सहयोगमा भएको कार्यक्रममा नगर प्रमुख मनोजकुमार आर्चाय, ईश्वरपुर उद्योग वाणिज्य संघका प्रतिनिधि, लालबन्ीद उद्योग वाणिज्य संघका अध्यक्ष महेशकुमार महतो, सदस्य राहूल चौधरी, गोपाल श्रेष्ठ तथा नेपाल रेडक्रस सोसाइटी बर्दिबास, लाइन्स कल्ब, इलाका प्रहरी कार्यालयको प्रतिनिधित्व रहेको थियो ।