सुदूरपश्चिममा मन्त्री हेरफेर

धनगढी । सुदूरपश्चिम प्रदेशका मुख्यमन्त्री कमलबहादुर शाहले मन्त्रिपरिषद पुनर्गठन गरेका छन् । कांग्रेसले आफ्नो पार्टीका तीन मन्त्री र दुई राज्यमन्त्री फिर्ता बोलाएर नयाँलाई पठाउँदा शाहले सोमबार मन्त्रिपरिषद् हेरफेर गरेका हुन् । 
विक्रमसिंह धामीले आर्थिक मामिला, मानबहादुर रावलले उद्योग, पर्यटन, वन तथा वातावरण र बेलबहादुर रानामगरले सामाजिक विकास मन्त्रालयको नेतृत्व पाएका छन् । राज्यमन्त्रीमा जुना दानीलाई भौतिक पूर्वाधार विकास  र मधु भारतीलाई सामाजिक विकासमा ल्याइएको छ । 
नवनियुक्त मन्त्रीहरुलाई प्रदेश प्रमुख नजिर मियाँले पद तथा गोपनीयताको सपथ ग्रहण गराएका छन् ।