प्रदेश
कांग्रेस नेता अभिषेक गिरी पक्राउ, अवैध असुलीको आरोप
शनिबार, असार १३, २०८३ १४:१७
विराटनगर । विराटनगरका नेपाली कांग्रेसका नेता अभिषेक गिरीलाई प्रहरीले पक्राउ गरेको छ । जिल्ला प्रहरी कार्यालय मोरङको टोलीले शनिबार बिहान उनको निवासमा छापा मारेर नियन्त्रणमा लिएको हो ।
मोरङ प्रहरीकाअनुसार गिरीलाई कारागारभित्र अवैध असुली धन्दा सञ्चालन गरेको आरोपमा पक्राउ गरिएको हो । बिहानैदेखि प्रहरीले उनको घरलाई घेरा हालेर खानतलासी गरेको थियो ।
गिरी यसअघि पनि विभिन्न आपराधिक गतिविधिमा संलग्न रहेको आरोपमा पटक-पटक विवादमा पर्दै आएका व्यक्ति हुन् । अपहरण मुद्दामा कारागारमा रहेका बेला पनि उनीमाथि विभिन्न विवादास्पद गतिविधिमा संलग्न रहेको आरोप लागेको थियो ।
कैद भुक्तानपछि रिहा भएका गिरी पछिल्लो समय नेपाली कांग्रेसको राजनीतिमा सक्रिय थिए । उनीमाथि कारागारभित्र रहेका कैदीबन्दीबाट रकम असुली गर्ने तथा उनीहरूको भत्ता अपचलन गरेको आरोप लागेको छ।
यद्यपि गिरीले आफूमाथि लगाइएका आरोप अस्वीकार गर्दै राजनीतिक प्रतिशोधका आधारमा आफूलाई फसाउन खोजिएको प्रतिक्रिया दिएका छन् । प्रहरीले घटनाबारे थप अनुसन्धान जारी रहेको जनाएको छ ।
प्रकाशित मिति: शनिबार, असार १३, २०८३ १४:१७
प्रतिक्रिया दिनुहोस्
थप प्रदेश
कारको ठक्करबाट दुई बालबालिकाको मृत्यु
शनिबार, असार १३, २०८३
पानी नपर्दा सुक्न थाल्यो धान, चिन्तामा किसान
शुक्रबार, असार १२, २०८३
जालपादेवी केबलकारः कोरिँदैछ समृद्ध सुदूरपश्चिमको आधार
शुक्रबार, असार १२, २०८३
भर्खरै
- नाडाको स्वर्ण उत्सव समारोह सम्पन्न
- भेनेजुएला भूकम्पमा मृत्यु हुनेको संख्या ९ सयमाथि
- कांग्रेस नेता अभिषेक गिरी पक्राउ, अवैध असुलीको आरोप
- विश्वकपः न्युजिल्यान्डलाई पराजित गर्दै बेल्जियम नकआउट चरणमा
- काठमाडौँमा बर्डफ्लु बढ्दैः एघार जिल्लाका ८२ स्थानमा सङ्क्रमण पुष्टि
- वातावरणीय अपराध नियन्त्रणका लागि अन्तरदेशीय सहकार्यमा जोड
- विश्वकप फुटबलः स्पेन र केप भर्डे नकआउट चरणमा
- रास्वपा सभापतिमा रवि र वरिष्ठ नेतामा बालेन निर्विरोध
साताको लोकप्रिय
