एकै परिवारका तीन बालबालिकाको डुबेर मृत्यु

सिरहा । सिरहाको गोलबजारमा खाल्डोमा डुबेर एकै परिवारका तीन बालबालिकाको मृत्यु भएको छ । गोलबजार–७ स्थित पुरानो चोक चोहर्वामा रहेको पशु हाटबजार परिसरमा पशुचौपायालाई पानी खुवाउन खनेको खाल्डोमा जमेको पानीमा डुबेर उनीहरूको मृत्यु भएको हो ।
जिल्ला प्रहरी कार्यालय सिरहाका अनुसार मृत्यु हुनेमा अब्बास शेखका छोराछोरी १२ वर्षीया सबनम खातुन, १० वर्षीया रुबिना खातुन र ७ वर्षीय साइफुल शेख छन् । रौतहट जिल्लाको जिगरवाका शेख लामो समयदेखि कबाडी संकलनको काम गर्दै गोलबजार–७ मा डेरा गरी बस्दैआएका थिए । उनका छोराछोरी तीनै जना दिउँसो घरबाट खेल्न निस्किएका थिए । घटनापछि स्थानीयवासी तथा सुरक्षाकर्मीले उद्धार गरी उपचारका लागि अस्पताल पु¥याएका थिए । चिकित्सकले मृत घोषणा गरेका हुन् । घटनाबारे प्रहरीले थप अनुसन्धान गरिरहेको छ ।